Ua tofiaina le afioga ia Loau Leafa Donald Kerslake e avea ma Sui Faamasino o le Faamasinoga Maualuga o Samoa – Acting Justice of the Supreme Court.
I se Pepa o Fa’amatalaga na tuuina mai i luga o upega tafailagi le Facebook a le Matagaluega o Faamasinoga; o loo faamaonia ai le tofiga.
“O le tofiaina o le Afioga ia Loau Donald Kerslake e mo se vaitaimi lē tumau ma ua faia ina fesoasoani i galuega tauave a le Faamasinoga Sili, ae maise o vaega taua, ina ia matinoa le lava o faamasino o loo iai mo le fofogaina o mataupu o le a faatoai atu i le Faamasinoga Sili e afua mai ona o le Faigapalota Tele o loo lumanai nei..”
E tofia le afioga ia Loau o loo galue o ia o se Faamasino o le Faamasinoga Faaitumalo – District Court judge.
Sa avea Loau ma Faamasino o le Faamasinoga Faaitumalo ia Ianuari 2020, ina ua loa tausaga o lona soifua faa-le-loia, e le gata i e Ofisa o le Loia Sili, ae faapea fo’i ma tulaga maualuga i Ofisa Loia Tumaoti.
I le taimi nei, o loo toalima faamasino o le Faamasinoga Maualuga e aofia ai le afioga i le Faamasino Sili ia Satiu Simativa Perese, o le Faamasino Sinia ia Vui Clarence Nelson, Justice Leutele Mata Tuatagaloa, Justice Fepuleai Ameperosa Roma ma Justice Leiataualesa Daryl Clarke.
O le a tauave tiute o le afioga ia Loau i lona valaauina, pe a maea le faatautoga o loo faamoemoe mo le Aso Faraile 25 Iulai 2025.
O vaiaso o le a sau, a’o tapena atu Samoa mo lana Faigapalota Tele, o le a mautinoa ai lava le tele o mataupu tau faigapalota o le a feagai ma le Ofisa o Faamasinoga ae maise o le vasega i Alii ma Tamaitai Faamasino o Samoa.
Saunoa Simativa, “O le afioga i le Sui Faamasino ia Kerslake o le Faamasino mata’ina lea ua ou mata’ituina ma le fiafia mo sina taimi..”
“E lagona fo’i le faagaeetia o le Komisi o Faamasinoga ona o se tagata fai mea mafai ma le loto maualalo ua taliaina le tofiga mo se vaitami..”
Pepa o Faamatalaga
- Justice Alalatoa Rosella Papalii Receives Distinguished Alumni Award - October 11, 2026
- Samoa Wins Best Host Country Recognition at Miss Global - October 9, 2026
- ‘Ia Manumalo’: Signature Choir Releases New Anthem - October 9, 2026
