Tofia Muā’autau Raiē Silipa ma Ofisa Sili o le Faletupe o Atinae

0
1228

29 Iuni 2023 Apia Samoa. Ua tuuina mai se Faaiuga a le Kapeneta e tofia ai le afioga ia Muā’autau Raiē Silipa e avea ma Ofisa Sili fou o le Faletupe o Atinae o Samoa.

I se pepa o faamatalaga mai le sooupu a le Malo na tāua ai, o lenei faaiuga sa  faamaoniaina i le fonotaga o le Aso Lulu, 28 Iuni 2023.

E toafa sa faatalatalanoaina i le filifiliga o le Ofisa Sili ma talia ai e le Kapeneta le fautuaga a le Komiti (interview panel) e tofia Muautau.

“Ua sui tulaga le afioga a Muā’autau i le susuga a Faiane Susana Laulu, lea e lei toe tusi talosaga mo lenei avanoa.”

Ua silia i le 20 tausaga o faigaluega lenei tamalii i le Faletupe o Atinae. E tofia nei o ia o loo avea ma Pule o le Vaega o Tupe (Manager Finance) a le Faletupe o Atinae.

O le afioga a Muā’autau o le sui o le Sosaiete Tausi Tusi a Samoa ma o loo uumiaina le faailoga maualuga o le Masters i le Faatautaiga o Pisinisi mai i le Iunivesite o South Queensland i Ausetalia ma le Bachelor of Arts mai i le USP i Fiti.