Tofia le Pōlōfesa Aiono Dr Ekeroma ma Ofisa Sili o le Matagaluega o Soifua Maloloina

0
394

(SO’O’UPU A LE MĀLŌ) – Ua tofia nei e le Kapeneta, le afioga i le ali’i Polōfesa Aiono Dr. Alec Ekeroma ma Ofisa Sili fou mo le Matāgaluega o le Soifua Mālōlōina (M.O.H.).

O lenei tamāli’i o le atunu’u, o lo’o ia umia fa’ailoga tauāloa o le PHD in Building Health Research and Capacity of Clinicians mai le Iunivesite o Aukilani i Niu Sila, fa’atasi ma le MBA Health Management and Planning mai le Iunivesite a Keele i Peretania Tele.

Sa fa’au’uina fo’i mai le Iunivesite a Aukilani i le fa’ailoga tauāloa o le Tipiloma in Obs, Obstetrics ma le Gynecology.

E tele auaunaga tau soifua mālōlōina sa tautua ai lenei tamāli’i o Samoa amata mai i le tausaga e 1986 fa’apea ai lona tofiga o lo’o tautua ai i le taimi nei, o le Ofisa Sili o Pulega (Vice -Chancellor) mo le Iunivesite Aoao o Samoa (N.U.S.).

E tolu tausaga o lenei tofiga.