Faa-Samoa

Tofia e le Kapeneta Tamaletā Taimang Jensen ma Pule Sili fou o le DBS

July 30, 2026

437

𝐓𝐎𝐅𝐈𝐀 𝐄 𝐋𝐄 𝐊𝐀𝐏𝐄𝐍𝐄𝐓𝐀 𝐈𝐀 𝐓𝐀𝐌𝐀𝐋𝐄𝐓Ā 𝐓𝐀𝐈𝐌𝐀𝐍𝐆 𝐉𝐄𝐍𝐒𝐄𝐍 𝐌𝐀 𝐏𝐔𝐋𝐄 𝐒𝐈𝐋𝐈 𝐅𝐎𝐔 𝐎 𝐋𝐄 𝐅𝐀𝐋𝐓𝐔𝐏𝐄 𝐎 𝐀𝐓𝐈𝐍𝐀’𝐄 𝐀 𝐒𝐀𝐌𝐎𝐀.

𝐒𝐨’𝐨’𝐮𝐩𝐮 𝐚 𝐥𝐞 𝐌ā𝐥ō. Ua fa’amaonia e le Kapeneta i lana Fonotaga i lenei vaiaso, le tofia aloā’ia o le afioga iā Tamaletā Taimang Jensen ma Ofisa Sili Fou o Pulega mo le Faletupe o Atina’e a Samoa [DBS] mo le tolu tausaga.

O se tamāli’i a’oa’oina, ua loa tausaga o tautua mo Samoa i le tele o galuega, e aofia ai ma le tofiga Ta’ita’ifono o le Komiti Fa’atonu o le Faletupe o Atina’e a Samoa fa’atasi ai ma le Ta’ita’ifono o le Polōketi o Fono Fa’avae a le Mālō o Samoa.

O lo’o ia umia nisi o Fa’ailoga Tauāloa e aofia ai; le Tikerī o Matā’upu Tau Pisinisi, o le Tipiloma Mauāluga o Matā’upu Tau Pisinisi ma le Matuaofaiva o Matā’upu Tau Pisinisi mai le Iunivesite o Massey i Niu Sila.

Ua suia nei e le afioga iā Tamaletā le afioga iā Muā’autau Raiē Silipa sa se’ei i lenei tofiga.