E toalua ni alii talavou mai le afioaga o Leone na la to’esea ni meatotino a se ulugalii asiasi mai fafo, ao talisua i lā’ua i se faleaiga tu taulaga.
Na faamaonia mai lea tulaga e le Sui Komesina o Leoleo ma Falepuipui, Papalii Monalisa Tiai Keti.
Saunoa Papalii, o tamaiti nei e toalua mai le afioaga o Leone, e 17 tausaga le isi, ae 21 tausaga le isi.
“Sa vave ona tali atu leoleo ina ua taunuu atu se valaau i le Ofisa mo se fesoasoani, ma faapena ai ona toe maua uma meatotino na toesea..”
Saunoa foi Papalii, e le’i finagalo le ulugalii e onaina le ato na toesea e faaulu se la tagi, peitai, na tuuina atu e le Matagaluega le lapataiga mo le isi lea e 17 tausaga (issued a criminal warning).
Ae o le tasi o alii e 21 tausaga, na maua ai e leoleo se sikaleti mariuana, ma ua molia ai nei e leoleo i le uumiaina o fualaau faasaina (possession).
Ua momoli mai ai se tuualalo a le Sui Komesina i le mamalu o matua, ia tautuana la outou pito laau.
“O le aafia o tagata asiasi ma tafafao mai fafo atu o Samoa, o se tala lē lelei lea e pasi atu i le lalolagi..”
“E ave ai tala, o Samoa e le lelei se talimalo, ae o Samoa fo’i, e leai se saogalemu mo tagata tafafao mai fafo.. o se tulaga lē lelei tele lea tulaga.”
O le tuualalo a Papalii, e le gata o matua aemaise foi le pule mamalu a Alii ma Faipule – ia maua le galulue faatasi e tau foia ai faafitauli o loo tutupu mai.
Avanoa Galuega Tapunia Aso Faraile 16 Iuni 2023. Job Vacancies Close Friday 16 June 2023
