E toalua ni sui o le Matagaluega o Faamasinoga sa molia faatasi i le gaoi ao avea ma tagata faigaluega (theft as servant) i se mataupu ia silia ma le lua tausaga o loo tolopoina pea.
I Ianuari o le 2021 sa mua’i valaau ai lenei mataupu i luma o le Faamasinoga Maualuga sa molia ai Sera Skelton ma Hanna Fuatavai. O i laua nei sa galulue i le vaega o auaunaga lautele (corporate services) a le MJCA.
O Mati o le 2021 sa toe valaau ai ma tuuina mai ai ni moliaga e faatatau i se tinoitupe e ova ma le $300k afe.
I le vaiaso nei na toe tulai ai i laua ma ua faamaonia mai le toe aveina lea i tua e leoleo o moliaga faasaga ia Hanna Fuatavai.
Sa toe talosagaina e loia o le ofisa o le Loia Sili, ina ia toe tolopo le valaauina o lenei mataupu, ona o nisi o mafuaaga e pei o le malaga i atunuu mamao o se tasi o loia a le itu a leoleo sa gafa ma lenei mataupu.
Sa silia ma le 100 moliaga, ae ua totoe nei na o le 83 ina ua toe faaui una i tua moliaga faasaga ia Hanna Fuatavai, ae o le a avea Hanna ma molimau a le itu leoleo.
O Ie isi lea mafuaaga o le talosaga a leoleo e tolopoina le mataupu, ina ia maua se taimi mo faamatalaga tusitusia mai le tamaitai o Hanna.
E silia ma le $300,000 le aofai o le seleni a le Matagaluega na to’esea lea sa tuuaia ai la’ua nei. Ae o lea o le a molimau le isi e faasaga i le isi.
- Silia ma le $16,000 le Tau o Meatotino sa Gaoia mai le Maota o le Komesina o Tineimu - December 6, 2023
- 25 Gasegase o le Koviti ua Faamauina e le Matagaluega o Soifua Maloloina - December 6, 2023
- Teena se Poloaiga e Taofia ai le Faatinoga o le Galuega a Afega - December 5, 2023
