Toe Tolopo le Mataupu se ia aulia Fepuari 2024

"My decision is not ready, e lei sauni lau faaiuga."

0
522

E le’i sauni le faamasinoga mo lana faaiuga. My decision is not ready.

O le saunoaga lea a le afioga i le faamasino iā Loau Donald Kerslake, i le tālia ai o se faasalaga mo Pueleo Sefulua Peseta, o se tasi sa galue i le Matagaluega o Tiute lea sa faamaonia ona moliaga i le aumaia lea o fualaau faasaina i totonu o Samoa.

O Tesema 2020 sa taofia mai ai e le Matagaluega o Tiute ma le Matagaluega o Leoleo ni fualaau faasaina o le aisa e tusa ma le $570,000 afe tala lona tau ma mariuana e $50k lona tau aofai.

Sa maua ane o loo faamomoli mai nei oloa ia Pueleo Sefulua Peseta, o se tagata faigaluega i totonu o le Matagaluega.

O le faatinoina o le pito laau o le Ofisa o Tiute ma le Matagaluega o Leoleo, e ala lea i suesuega a K-9. O alii ofisa ma taifau sosogi lea na maua ai pusa oloa o meaai, o loo iai i totonu fualaau faasaina.

Sa teena e Peseta lona aafia ma tumau pea lana mau, na te leiloa poo ai ia tagata ua faaaoga mai lona igoa i le faamomoli. Ae sa agai i le kamupani o le Transam ma totogi le tupe (service fee). Peitai sa ia faapea mai, o lona talitonuga o le pusa lea o loo tusia ai lona igoa, o le afi o lana taavale sa tālia lona auina mai i Aukilani Niu Sila.

O Fepuari 2021 sa molia ai Peseta, ae o Novema 2023 lea na faamaonia ai moliaga o le aumai o aisa i totonu o le atunuu.

Ina ua toe valaau i le vaiaso nei le mataupu i le I Faaitumalo na saunoa Loau, “My decision is not ready, e lei sauni lau faaiuga.”

Ua fai aso fiafia nei ma ona aiga ae o le Aso 9 o Fepuari 2024 ua faatulaga mai e le faamasinoga e fofogaina ai lana faaiuga mo lenei mataupu ua tolu tausaga talu ona tulai mai.