Toe Tofia Maiava Atalina Ainuu-Enari e Avea ma Kovana o le Faletupe Tutotonu a Samoa

"O lea tamāli’i o le atunu’u, ua loa lana tautua i le Faletupe Tutotonu a Samoa, ma ua silia i le 30 tausaga o lana auaunaga"

0
186

OFISA O LE SO’O’UPU: Ua fa’amaonia e le Kapeneta e tusa o le fautuaga a le Komiti Fa’atonu na lauliliuina lea avanoa, le toe tofia o le Afioga iā Maiava Atalina Ainuu – Enari e avea ma Kovana o le Faletupe Tutotonu a Samoa – Central Bank of Samoa.

O lea tamāli’i o le atunu’u, ua loa lana tautua i le Faletupe Tutotonu a Samoa, ma ua silia i le 30 tausaga o lana auaunaga, ma ua lava fo’i lona silafia i le fa’atinoga o tiute fa’a – Kovana o le Faletupe Tutotonu a Samoa.

O Maiava e tele itu o le Faletupe Tutotonu sa ia galue ai ae le’i mua’i tofia o ia e fai ma Kovana i le tausaga 2011.

Mo le silafia, e ono tausaga le umi o lea tofiga e tusa ai ma le Tulafono o le Faletupe Tutotonu.

O Maiava e tele naua faailoga taualoa o loo ia uumiaina i le Economics, Banking, Finance. O ia foi o se tamaitai Loia.

O ia foi o se Tufuga o Faatofalaiga (Accredited Mediator) ma auai ai o se Sui o le AMSA. Accredited Mediators Association of Samoa.

Sa ia tautuaina foi e ia ma fai ma sui o le Komiti Faatonu o le SIFA ma le Leadership Samoa.

Faasilasilaga Taua