Ua toe taliu mai i fanua le afioga i le Palemia le susuga ia Laaulialemalietoa Polataivao Leuatea Fosi Schmidt i le maea ai o le valu vaiaso i Aukilani Niu Sila.
Sa malaga mai le Palemia ma lona faletua le Afioga ia Tauanuufaiga Tupea Heather Schmidt i le Air New Zealand ma taunuu manuia mai i Faleolo i le aoauli o le Aso Toanai 15 Novema 2025.
Na malaga le Palemia mo togafitiga fa’afoma’i lea na tuua ai Samoa i le Aso 21 o Setema 2025.
Ao nofo ai le afioga ia Laaulialemalietoa i Aotearoa, sa maua ai avanoa tāua e feiloai atu ai i le Palemia o Niu Sila Rt Hon Christopher Luxon.
Sa faapena fo’i ona maua le avanoa e feiloai atu ai i le afioga ia Vaovasamamaia Winston Peters e faatalanoa mataupu tāua i le va o Niu Sila ma Samoa.
Sa mafai fo’i ona tuuina atu le lagolago a le Palemia ma fesoasoani ai i le unaia o le Talosaga a le afioga ia Anae Arthur Anae mo taumafaiga e faafaigofieina le ulufale atu i Niu Sila o tagatanuu Samoa ma le Pasefika.
O le auai atu ai o le Palemia i Niu Sila mo le 8 vaiaso sa maua ai fo’i se avanoa tāua e mafuta ai ma le afioga i le faletua ae maise le fanau.
O le Aso 16 o Setema sa faatautoina ai le afioga i le Palemia ma lana Kapeneta ina ua manumalo le vaega faaupufai o le Faatuatua i Le Atua Samoa ua Tasi i le palota tele a Samoa.
O le afioga i le Sui Palemia ia Toelupe Maoiautele Poumulinuku Onesemo sa ia taitaia le atunuu i vaiaso sa toesea ai Laaulialemalietoa.
Welcome home Prime Minister.
Photo Credit: Rosary Schmidt.
Pre Christmas Deals 🎄 are Now Available
Public Notices
