Ua faamanino e le taitai le malo o Laaulialemalietoa Polataivao Fosi Schmidt le tulaga o loo iai le fuafuaga sa faataatia mai e le faigamalo talu ai i le auina mai o se isi vaa e sui ai le vaa o le Lady Naomi III talu ai ua tulaga faaletonu.
Saunoa le afioga i le alii palemia, o loo iai ni suesuega ua faatino i le tulaga tau i le saogalemu o le vaa e faimalaga i le va o Upolu ma Savaii.
“Ua oo mai faamatalaga mai le Minisita o Galuega Tetele o ia foi o le afioga i le sui palemia o Toelupe Poumulinuku Onesemlo e faatatau i le vaa lea na faapea e aumai, o loo iai nai suesuega laiti o loo faatino ai.”
Faaalia e le taitai o le malo, ua tele fesili i le itu tau i le saogalemu o le vaa e faimalaga ai i le va o motu e lua.
“O lea faatoā māua atu e telē le fesiligia o le tulaga i le auina mai o le vaa mo tatou, ona o le tulaga e faapea e le o atoatoa tapenaga i le saogalemu ma le gafataulimaina mo le va i nuu o Apolima tai ma Savaii.
“E le gata i lea o le tulaga foi lea o loo silasila le Minisita e le mafai e le vaa lea ona ulufale i le tatou uafi talu ai e fai si telē o le vaa, ae fai si papa’u o le uafu ma le tulaga lea o loo ua faailoa mai e le’i iai se taimi na faaaoga ai e Samoa ni vaa se lua poo le Catamaran.
“E lelei alia e mafai ona faatulaga a’o se vaa faapea, ua oo mai faamatalaga o vaega ia ua afua ai ona toe fesiligia ai le tulaga o le saogalemu mo le atunuu”
O le faatupega o le vaa e $21.5 miliona tala ma o le fuafuaga na faalauiloa e le faigamalo talu ai e saoasaoa le vaa e mafai ona malaga i Savaii ma toe fo’i mai mo le umi e 30 – 35 minute.
Peitai na taua e le palemia ua tele galuega ua fai i le vaa.
“Ua faailoa mai e le Minisita ua tuu atu se suesuega faapitoa i nisi o kamupa i e iai lo latou tomai faapitoa i vaega tau i le puipuiga o le gataifale, ma o loo faatali la poo le a lesi aiaiga faapitoa ona aumai lea o se faaiuga mulimuli.”
Faailoa e Laaulialemalietoa ua i aao o le Minisita o Galuega le mataupu ae na ia faamanimo.
“E le.tatau ona tatou o taumatemate, o le va i nuu i le va o Apolima Tai ma Upolu e fai a si matautia, ae a silasila foi o tatou vaa ia e iai i le taimi nei e tasi lava ae o le vaa lea o loo fuafua e aumai e lei iai se taimi na tatou faaaoga ai vaa ia ma o le tulaga maaleale lena o le mataupu.
“So tatou faatali la i le minisia sei tapena ripoto a le Minisita ona faamanino loa lea o tulaga uma o loo iai fuafuaga o lea vaa.”
Latest posts by Staff Reporter (see all)
- Government to Reinstate Samoa’s Two Urban Seats in Parliament - October 11, 2026
- $17 Miliona le Tauaofai o le Galuega e Fausia ai le Fale Faamasino i Salelologa Savaii - October 5, 2026
- Falepuipui mo le 6 Tausaga ma le 6 Masina i le Faiaiga Faamalosi - October 3, 2026
NZ Immigration Urge People Planning to Spend Christmas with Family in...
People planning to spend Christmas and New Year with family in New Zealand are being urged to apply for their visitor visas early.
Immigration New...
