Ua toe fo’i i Ausetalia se alii sa pule i se faletalimao, ae o loo faagasolo suesuega a leoleo i se tagi a se teineitiiti 20 tausaga o loo ia tuuaia sa faia e lea alii se faigaaiga faamalosi ia te ia.
O le teineitiiti sa galue i le faletalimalo lea sa pule ai lë o loo tuuaia.
O se molimau faatuatuaina i totonu o le Matagaluega o Leoleo, sa ia tā’ua, o le Aso 6 o Setema sa tulai mai ai lenei faalavelave ae o le Aso 9 o Setema na faaulu atu ai le teineitiiti le tagi o le faiaiga faamalosi i lo latou ofisa.
O le tuuaiga a lē o loo aafia, sa faainu o ia i le uaina, ma faatino ai le soligatulafono ina ua faasua’avā o ia.
Peitai o le Aso 18 o Setema na saili atu ai lē o loo tuuaia, ae faapea mai se faamatalaga a le faletalimalo, o le tagata o loo tuuaia, sa malaga i Ausetalia i le aso lava lena 18 o Setema.
Sa faamautinoa mai e le tuaa o lē o loo aafia, le tagi a lona alo e faasaga i lea alii ua toe fo’i i Ausetalia.
E faatolu ona valaau le Komesina o Leoleo, Auapaau Logoitino Filipo i sona finagalo, ae peitai e lei talia lana telefoni.
Ae tā’ua e le molimau faatuatuaina. e iai le avanoa e mafai ai ona toe auina mai i Samoa lē o loo tuuaia e tali atu i ona moliaga e ala i fesootaiga vava lalata o loo iai nei Ofisa o Leoleo i atunuu o le Pasefika.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
