Toe Faatasia Palesoo ma Lona Aiga i Nuu-fou

0
3529

Ua toe faatasi atu se tamaititi 6 tausaga sa faasalalauina e le Matagaluega o Leoleo Falepuipui ma le Ola Toefuata’ina i le mamalu o le atunuu, sa tau sailiai e lona aiga.

O Palesoo Leiataua o Lepuiai Manono-tai ma Nuu-fou sa faasalalau mai e leoleo e faapea o le itula e 8:00 i le taeao analeila, Aso Sa 01 Ianuari, sa vaaia mulimuli ai o ia i lona aiga i Nuu-fou.

Ae o le afiafi o le Aso Sa, sa tuuina mai ai se faasalalauga a se tamaitai o Elizabeth Eka Tyrell, e tau mai ai sa ia mauaina se tamaititi i luma o se tasi o faleoloa i Ululoloa.

E lei umi se taimi ae toe faasalalau mai loa e lea lava Samaria Agalelei, ua toe faatasia Palesoo ma lona tuaā.

“Faafetai lava i uo ma aiga ia o lea ua maua le Tamā o lenei tamaititi..Faafetai I lo outou lago2 mai ma le alolofa mai.”