Toe Faaopoopo le Fesoasoani a le NBS i le Ausiisii a Samoa mo le Olimipeka

O le autu o le matou afea o le faletupe i lenei taeao, se'i momoli atu sa matou faafetai i le Pulega e tusa ai ma le lagolago mai..peitai, o lea ua faateia matou i le toe faimeaalofa mai fo'i o le faletupe i le isi fo'i $20,000 i lenei taeao.."

0
213

19 Iuni 2024 Apia Samoa. Ua toe foai foi e le faletupe o tagatanuu Samoa se meaalofa tupe e $20,000 tala mo le Ausiisii a Samoa (Samoa Weightlifting team) aua le tapena atu mo taaloga o le Olimipeka lea e faia i Farani ia Iulai 2024.

O le afioga ia Tuaopepe Asiata Jerry Wallwork na fai ma sui o le au a Samoa e momoli le faafetai i le Pule Sili o le nbs, ia Papalii Sam Swann.

Saunoa Tuaopepe, “O le autu o le matou afea i le faletupe i lenei taeao, se’i momoli atu sa matou faafetai i le Pulega e tusa ai ma le lagolago mai…”

“O lea ua a’e i fanua ma le manuia le faamoemoe sa matou masii atu iai, peitai, o lea ua faateia matou i le toe faimeaalofa mai fo’i o le faletupe i le isi fo’i $20,000 i lenei taeao..”

“Ia e lagona ai lava le fiafia ma le lagona faafetai i le faletupe o le National Bank of Samoa, aua ua le tasi ae ua lasi le tuuina mai pea o le latou tauau ua faafaigofie ai tapenaga a le Ausiisii a Samoa.”

O lea fo’i feiloaiga na faalauiloa ai e Tuaopepe, e toalua tatou sui ua saofagā (qualify) mo le Olimipeka.

O Iuniara Sipaia ma Don Opeloge. O i laua nei o loo ua aofia i totonu o le sefulu pito i luga (top ten) o le lalolagi.

Saunoa le Faiaoga Ulu poo le Peresitene fo’i o le Asosi Siisii a Samoa, e le faigofie le sailiga o se avanoa i le Top 10.

“E 178 atunuu lea e fili mai ai le Top 10 ae o loo talia foi se avanoa mo Sanele Mao, o loo i totonu o le Top 13 o le lalolagi.

O le mae’a ai o le Olimipeka i le masina fou, ona tapena ai lea o le Ausiisii mo le taamilosaga a le Commonwealth  Championship Qualify.

“E iai le faamoemoe e tatau ona auai uma  tatou – e amata mai lava i vaega o aoga seia oo atu i Senior levels.”

Samoa is the Home of Taula. Enjoy responsibly.