Sui Palemia o Samoa, Hon Toelupe Poumulinuku Onesemo.
Tusia: Pesetā Tusiga Taofiga, Gvt Press. Ua fa’ai’ugāfonoina e le Kapeneta i lana Fonotaga i le vaiaso ua mavae, le auina atu lea o gasegase o nisi o tagatānu’u Samoa e to’avalu i Initia ma Niu Sila mo togafitiga fa’afoma’i.
O le afioga i le Sui Palemia iā Toelupe Maoiautele Poumulinuku Onesemo, na ia fa’amaonia mai lea fa’ai’uga i le feiloā’iga masani ma Tusitala i le Aso Faraile ua mavae.
I le feso’otā’iga i le imeli a le Savali ma le afioga i le Sui Fa’atonu Sili Aoao o le Matāgaluega o le Soifua Mālōlōina iā Auliamailae Tagaloa Dr. Robert Thomsen e tusa o lea matā’upu, na ia talatala manino ai e fa’apea;
E to’avalu gasegase ua fa’amaonia ma ua tu’uina atu i Falema’i i Initia ma Niu Sila i le vaiaso ua mavae, auā togafitiga.
O le tau fa’aagaga atoa o ia gasegase ma o latou togafitiga [estimated costs], e $230,187.60 Tālā Samoa.
I fuafuaga mamao a le Mālō, o lo’o fa’atulaga mai ai le fuainumera to’a 12 o gasegase o lo’o fuafua mo Niu Sila ae 45 gasegase o lo’o fuafua mo Initia.
Mo le silafia e na’o le to’alima gasegase e talia e le va’alele, ma o lo’o fa’asolosolo lava i le taimi nei gasegase fa’atalitali auā togafitiga i atunu’u i fafo.
Ua fa’ailoa mai fo’i, mo le Falema’i i Apollo i Initia e to’alua gasegase o lo’o i ai i le taimi nei mo togafitiga, ae o le Falema’i o Fortis & Artemis i Initia lava, e to’avalu gasegase o lo’o taofia ai.
Frankies has all your Quality Christmas goodies available now in store and online.
A’o Niu Sila, e to’a 20 gasegase o lo’o i ai i le taimi nei.
O le mafua’aga o le tu’uina atu o nei gasegase i Initia ma Niu Sila, ona e le o maua i Samoa nei togafitiga fa’afoma’i i o latou gasegase tugā.
Available now at SOS Togafuafua and Salelologa or Makeki Samoa online.
O le tu’uālalo a le afioga i le Sui Palemia i le mamalu o le atunu’u, ina ia tautuanā, ia tausisi i le taumafa tatau ma le tausami i meaai paleni, e fa’aitiitia ai le to’atele o i latou e a’afia i gasegase ‘ese’ese ma mo’omia ai togafitiga e pei ona ‘ave ai i Niu Sila ma Initia.
Tusiga Taofiga is a member of the Government of Samoa’s Press Secretariat team. He is a senior reporter with over 10 experience and writes in both English and Samoan.
