E 44 le aofai o alii ma tamaita’i na faauuina i le aso ananafi e avea ma Malu o le Malo o Samoa i se sauniga sa faia i le ofisa o leoleo i Apia, ma o se suiga ese lea i le talafaasolopito o le Matagaluega o Leoleo, ona ua toatele atu tamaitai nai lo alii.
Oi latou ua faauu e aofia ai alii e 18 ma tamaitai e toa 26. E 45 tausaga o le pito matua, ae 21 tausaga o le aupito laitiiti. E toa 9 i latou ua faamanuiaina mai le motu i Salafai, ae toa 4 o lea vasega o i latou na transfer mai le LTA ina ua faia fesuiaiga a le Malo, ma naunau ai loa i latou e fia avea ma malu o le Malo o Samoa.
E toa 3 o le vasega faauu o loo umia tusipasi tipiloma mai le Iunivesite o Samoa i Vaivase.
O se isi foi tulaga o loo faafiafiaina ai le Matagaluega ona o le uluai vasega lea ua mafai ona aloai o latou tusipasi ma aoaoga i lalo o tulafono a le Samoa Qualifications Authority e tusa ai ma le maualuga faatapula’a e tatau ona iai tusipasi mo aoaoga i Samoa.
Na faailoa e le Alii Komesina o Leoleo Su’a Fuiavailili Egon Keil i lana lauga e tusa ma le 150 i latou na tusi talosaga atu i le Matagaluega, ae na o le 48 i latou na talia mai lea numera tele.
Sa fai faatalanoaga ma auiliili le suesueina o sui apalai i le tele o itu eseese, ina ia mautino ai le filifiliga sao, mo tagata talafeagai mo le tofiga leoleo.
Sa taua e Su’a, e le gata o agava’a i aoaoga, o le tusiina o ripoti, o le fesootaiga e ala i le tautala ma le gagana, o le tomai komepiuta ae maise foi le iloiloina o molimau mai galuega ma aoga sa iai.
I le 17 vaiaso o aoaoga, e to’a 4 i latou na le mafai ona faaauau, lea e totoe mai ai loa le toa 44 o le au faauu.
O le saunoaga autu na saunoa iai le Alii Minisita o le Matagaluega o Leoleo ia Tialavea Tionisio Hunt ma ia apoapoa’i ai i le au faau’u ina ia manatua lo latou tiute e malu iai o latou aiga, nuu ma le atunuu.
“O le a mataituina foi la outou savali ma le tu i soo se vaega o le atunuu po’o talafeagai ma la outou tautoga sa fai, o le mea lea ou te faatauaina ai le tofa fetu’utu’una’i, Common Sense, e faatino ai tiute; ia o gatasi ma amioga taualoa a leoleo.”
O le tamaitai leoleo ia Constable Fu’a Elekana o ia lea le Top Student o le vasega lenei, ae na maua e le alii leoleo ia Constable Fativaotele Faaleofi le Best All Rounder.
O le Most Disciplined na maua lea e Liua Godinet, ma le Students Chioce na maua lea e Vili Viliamu.
O le saunoaga a le Alii Komesina na lagona i tino, e le gata o le au faau’u ae faapea fo’i ē sa auai i lea sauniga.
O se faamalosiau, o se apoapoaiga, o se faamanatu, ae o upu o le alofa e seāseā ona maua pea, aemaise i le taimi lenei o le taulotoaiga o luitau e tele i le olaga ma le galuega faaleoleo. Ua moni ai upu a le atunu’u, ‘ua togi pa tau i le ave’.
“To our new officers I encourage you to continue to learn, this is just the beginning of the police learning process. Do not wait and expect our government or us to assist you, go up there and do it…as my grandmother from Savaii told me when I was a boy ‘knowledge is power’;
“As in the words of political philospher Niccolo Machiavelli – ‘It is not titles that honor men but men that honour titles'”.
“I also remind you of the oath that you have taken. Do not take it lightly; they are not just words, they mean something;
“Use the power that you now possess to help our government, our people, our country, Do not play favourites, do not work for personal gains, but be brave, be honest, be gracious, and the most important thing…be a great public servant.”
“You will be judged and you will be challenged by many…however I truly believe that it takes guts and love for the country to do what we do. And yes we are humans, and we do make mistakes but we always, must always try to do better, to do what is right and to do what our Heavenly Father want us to do”
Na taua e le Alii Komesina le tele o faalapotopotoga ma matagaluega a le malo sa fai sao atu i le aoaoina o lenei vasega e oo lava i le itu a le Faamasinoga e pei ona auai ai le Tamaitai Faamasino ia Tafaoimalo Leilani Tuala Warren e faailoa vaega e tatau ona silafia e leoleo i le Matagaluega o Faamasinoga mo le faatinoga o a latou tiute.
