Toalua ni Tamaiti Talavou sa Taofia mai se Osofaiga a Leoleo i Afulilo

0
2730
File Photo: Police return from drug bust and invite media to view what was confiscated.

O se tamaititi 16 tausaga ma se alii talavou 22 tausaga na taofia mai e leoleo i se latou osofaiga na faatautaia i le faaiuga o le vaiaso talu ai.

I se faatalanoaga ma le Sui Komesina o le Matagaluega Leoleo, Papalii Monalisa Tiai-Keti, o le aso Faraile na mavae atu nei sa faatino ai se osofaiga leoleo i Afulilo ma taofia mai ai se tamaititi 16 tausaga ma se alii talavou 22 tausaga sa iai i tonu o le nofoaga sa osofaia e  leoleo.

“E 353 laau, ae 91 lālā laau mariuana sa auina mai e leoleo mai lea nofoaga i Afulilo.

Sa iai foi ma fatu o laau mariuana faapea ma se laau malosi poo se fana ituaiga 12 (12 gauge).

Samoa’s Premier ICT Solutions Provider.

E le o faamautuina mai foi pe ua resitala aloaia faaletulafono lenei laau malosi.

E leai se tupe na maua ai i lea osofaiga, e pei ona masani ona maua i le tele o osofaiga e faatautaia e le Matagaluega a Leoleo.

O i laua una sa taofia mai, ua faaalia e le Sui Komesina o se taimi muamua lea ua molia ai i laua uma i le solitulafono,

O i laua ua molia ua faafesagai nei ma moliaga o le umiaina o fualaau faasaina (possession).

O se aso o le vaiaso fou o le a tulai ai nei alii talavou i luma o Faamasinoga.