E lua ni mataupu o lo’o tuuaia ma molia ai ni tamā se toalua i le faaaogaina o ni tusifolau e le o ni a la’ua mea totino, e taumafai ai e resitala mo le faigapalota.
Sa faase’e atu nei mataupu e lua mai le Faamasinoga Faaitumalo, agai atu i le Faamasinoga Maualuga, ona o le ogaoga o le moliaga ua aafia ai tusifolau Samoa.
O le isi mataupu e tolu ai tuuaiga i le faatinoina o resitara mo le faigapalota, o se tina o loo tuuaia i lona faaaogaina o se pepa fanau o se isi tagata e taumafai e resitala ai. O loo faaauau pea lena mataupu i le Faamasinoga Faaitumalo.
O Liu Feaualii ma Siose Fareni o loo tuuaia i le faaaogaina o ni tusifolau sēsē ma le faamoemoe e resitala ai mo le faigapalota. I taualumaga o le Faamasinoga Faaitumalo na talosaga ai e le itu a leoleo e faase’e atu mataupu nei i le Faamasinoga Maualuga mo le tagofiaina.
Na talia le afioga i le Faamasino Sinia ia Talasa Atoa Saaga le talosaga ma ua faatulaga ai le aso, Aso 28 Iulai e tulai ai laua nei i le Faamasinoga Maualuga.
Mo Silia Lemi Sagote, o loo ia teena moliaga e lua o le faia o auala taufaasēsē e lima taitaiina ai le faatinoga o galuega le Ofisa o Faigapalota.
I faamaumauga a le faamasinoga, o le Aso 27 o Iuni 2025 na maua ai e le Ofisa o Faigapalota gaioiga faasolitulafono o loo tuuaia ai Silia Lemi Sagote, ma tuuina atu ai loa i le Ofisa o Leoleo.
Ua faatulaga mai e le Faamasinoga le Aso 17, 18 o Setemea 2025 e fofogaina ai mau o lenei mataupu.
O mataupu nei o loo tuuaia ai Liu Feaualii ma Siose Fareni i tusifolau, sa oo iai suesuega a leoleo, ma e fai si ogaoga o moliaga ona o loo aafia ai le tuuina atu o tusifolau Samoa mai le ofisa autu o le Immigration.
O loo tatala i latou uma nei i tua i aiaiga masani.
Avanoa Faigaluega
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
