O se ao pogisa o loo feagai ma se tinā ina ua toalua nai ona alo ua maliliu i ni faalavelave faafuasei i totonu o le vaiaso e tasi.
Sa faamaonia mai i se faamatalaga a se sui o le Aiga, o Arona Misa Alofa, 22 tausaga, ma Avele Misa Alofa e 20 ona tausaga, na aafia i ni faalavelave ma o loo taooto nei i le falemaliu i Motootua o lāua tino maliu.
I se faatalatalanoaga ma se tasi o le aiga, na ia faailoa ai, o Arona sa i Leauvaa i le aiga o lona tamā. Sa ia agai e tuu i lalo le esi ona o tulaga savili ma lapataiga o le tau i lea aso.
Peitai na pa’u le esi ma aafia ai se uaea eletise, lea na mafua ai ona sipaka se’i tulou, ma maliu ai i le Aso Lulu Aso 01 Novema 2023.
Ae o le aso lava na sosoo ai i le po o le Aso Tofi 02 Novema, lea na maliu ai lona uso laititi o Avele, na aulia lona 20 o ona tausaga i le tausaga nei.
Sa aafia Avele i se galuega sa faia i lo latou lava aiga i le afioaga o Pata Falelatai. Ae na ta’ua e le sui o le aiga o le sipaka foi le mafuaaga.
O talavou ua maliliu nei e soifua mai se aiga e toalima le fanau. E matutua tamaitai e toatolu ae laiti Arona ma Avele.
Ua maliu le tamā o le aiga ae o loo soifua mai si o latou tina.
Saunoa le komesina Auapaau Logoitino Filipo, “O loo faasolo iai suesuega a le Matagaluegao o Leoleo i nei faalavelave.”
Job Vacancy
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
