Home Business Toafa na Faamanuiaina i le ta’i $1000 tala i le Faalauiloa a...

Toafa na Faamanuiaina i le ta’i $1000 tala i le Faalauiloa a le National Bank of Samoa

"O lenei vaiaso i le tuanai ai o le lotu tamaiti, ua matuai leai lava se tupe ona sa tele tupe na alu i faatauga ma tapenaga a le fanau.."

0
423

E toafa i latou na faamanuiaina ma tuuina atu iai  teutusi ta’i $1000 tala, e ala i le latou faaaogaina o se tasi o auaunaga a le faletupe o le nbs poo le National Bank of Samoa.

O Lupe Sefo, Amanda Peseta, August Lameta ma Alec Latu o i latou ia na faamanuiaina i lea faalauiloa.

O le afioga ia Peseta Peter Tone  o se tasi o faauluuluga o le faletupe na saunoa e faafetaia le atunuu i le latou lagolago, aemaise le faigapa’aga ma le mamalu o le atunuu e ala i le faaogaina lea o le Mastercard a le nbs.

Saunoa Peseta, e fiafia le faletupe e ofoina atu faamanuiaga mo i latou o loo faaaogaina lana auaunaga, ma e le gata ai ii nei faalauiloa, ae o le a faaauauina pea mo le agai atu i luma.

O le tuanai ai o le Aso Sa o Tama (Fathers Day) ia Aokuso na amata mai ai le piriota seia oo mai lava o le Aso Sa Pa’epa’e a le fanau.

O i latou uma sa faaaogaina le auaunaga a le nbs le Mastercard, lea sa se’i mai ai le toafa lea ua manumalo ma faamanuiaina i le ta’i afe talā.

Ua faailoa e le Susuga ia  Alec Latu, o se tasi na faamanuiaina i le seleni $1000 tala, o lenei vaiaso i le tuanai ai o le lotu tamaiti, matuai leai lava se tupe ona sa tele tupe na alu i faatauga ma tapenaga o le lotu a tamaiti.

Peitai e na te faafetaia le faletupe o le NBS ua fesoasoani mai i lenei taimi mo le faatupega o manaoga a le aiga.

O le ofisa autu a le faletupe i lona nofoaga i le maota autu o Taui ma Faalavelave Faafuasei (ACC Building) sa faatinoina ai lenei faamoemoe i le vaiaso nei.

O lenei faalauiloa, e aofia ai ma se se’i o le a faia ia Ianuari 2025 – e mafai ai ona e manumalo i le malaga atu i Niu Sila mo ni tagata se toalua, ae $1000 tala NZD le seleni e te alu ma oe.

O taimi uma e te faaaogaina ai le Mastercard mai ia Iulai – Tesema 2024 – e maua ai lou avanoa i le se’i pe a faatinoina ia Ianuari o le tausaga fou.

Brisin Manu Retzlaff-Lima

LEAVE A REPLY

Please enter your comment!
Please enter your name here