Toafā Leoleo ua Faamalolo ina ua Masalomia le Aafia i Fualaau Faasaina

"E lē taliaina e le Komesina ma le Pulega o le Matagaluega ituaiga amioga faasolitulafono nei, ma e lē 'alo lava le faatinoga o le tulafono pe afai e aafia se leoleo i soligatulafono"

0
3175

E toafa Malu o le Malo ua faamalolo le tumau, se ia talia suesuega o loo masalomia ai lo latou aafiaga i fualaau faasaina.

Sa faamaonia mai lea tulaga e le Sui Komesina o le Matagaluega o Leoleo le susuga iā Papalii Monalisa Tiai Keti.

O Malu o le Malo ua faamalolo nei, e toatolu alii ae toatasi le tamaitai. O le vā o le lima (5) ma le iva (9) tausaga le umi talu ona galulue i le Matagaluega.

Deputy Police Commissioner Papalii Monalisa Tiai-Keti.

Saunoa Papalii, na faamalolo le toafā lenei i le ogatotonu o le vaiaso ua tea nei, i le taimi lava na oo ai le faamatalaga i le Komesina o Leoleo, le afioga iā Auapaau Logoitino Filipo.

Saunoa Papalii, “e lē taliaina e le Komesina ma le Pulega o le Matagaluega ituaiga amioga faasolitulafono nei, ma e lē alo lava le faatinoga o le tulafono pe afai e aafia nisi o leoleo i soligatulafono.”

Hotel Elisa. Call +685.21116 or Visit www.hotelelisa.ws or Email: hotelelisa@samoa.ws

Na faamaonia mai e Papalii, o le vaega faapitoa o le PSU (Professional Standards Unit) o loo feagai ma le faatinoga o suesuega. O le PSU e i lalo o le vaavaaiga a le Ofisa o Sulufaiga a latou suesuega ina ia mautinoa ai le tutoatasi o galuega faatino.

O loo fa’aauau pea ona faatino osofaiga a leoleo, i taumafaiga e tineia fualaau faasaina i totonu o le atunuu.

O le vaiaso talu ai e toa 18 i latou sa tāofia mai e leoleo i se latou osofaiga i Malifa, lea na aoina mai ai tupe, aisa ma laau malosi, faapea ma masini fesootaiga televavave (electronics) ma isi oloa e pei o moavao o loo masalomia na faaaoga e faatau ai le aisa.

O le tausaga talu ai na osofai ai foi e leoleo se nofoaga i Puipaa ma Moataa, lea sa taofia mai ai le toatele, ma aoina mai ai le fualaau faasaina o le aisa, tupe ma laau malosi e le faatagaina.

Saunoa Papalii, e le o se taimi muamua lea ua faatino ai ni suesuega i le aafiaga o leoleo i fualaau faasaina, ma e faaauau pea ona faatino le tulafono ina ia iloa ai e sui o le Matagaluega, e matuai le taliaina ia amioaga.

Avanoa Faigaluega