Toa Sefuluvalu na Taofia mai e Leoleo i se Osofaiga i Malifa

0
5186

E toasefulu ma le valu le aofai o i latou na taofia mai i se osofaiga a leoleo i le aoauli o le Aso Faraile.

Na faamaonia mai e le Komesina o le Matagaluega o Leoleo, le afioga ia Auapaau Logoitino Filipo, e toa 14 alii ma tamaitai e toafa.

Saunoa Auapaau, o le osofaiga a leoleo na aoina mai ai tupe, o fualaau faasaina o le aisa, o laau malosi faapea ma nisi o oloa masalomia e aofia ai computer, o laptop, sipika, ma moa vao.

O le lua i le aoauli na agai atu ai le osofaiga i se maota tu lata i moli (traffic lights) o le magafā i Malifa.

Police Commissioner Auapaau Logoitino Filipo addressing media questions after the raid.

E lata i le 30 alii ma tamaitai leoleo sa latou faatinoina le osofaiga, ae taitai ai le Sui Komesina o Leoleo.

Saunoa Aupaaau, o le toa 18 uma nei, o i latou uma sa maua atu o loo iai i lea nofoaga.

“Ae o le a faasolo suesuega a leoleo pe iai nisi ua taofia nei, e ona toe tatala i tua.”

O i latou uma nei na taofia mai e leoleo, o loo iai ma nisi sa taofia mai foi e leoleo i se latou osofaiga i le tausaga 2023.

O loo tatala i latou nei i tua (on bail) e talia ai le masina o Mati o le tausaga nei e suesue ai a latou mataupu e le Faamasinoga.

Saunoa Auapaau, o le a toe maua mai se tala faaopoopo mo lenei mataupu pe a maea suesuega a leoleo.

Visit our Rimani Samoa store at Savalalo and Follow us on Facebook! today!