Toa 5 ua Taofia nei ina ua Maua Fualaau Faasaina i le Maketi o I’a i Savalalo

0
5165

E toalima ni alii na taofia mai e leoleo ina ua latou faataunuuina se osofaiga i le Maketi o I’a i Savalalo.

I se pepa o faamatalaga sa tā’ua ai e le  Matagaluega o Leoleo, Falepuipui ma leToefuataina, sa faia se sailiga o fualaau fa’asaina i le Maketi o i’a i Savalalo.

“Sa fa’atinoina se galuega a le Matagaluega i le aoauli o le aso Faraile 15 Mati ma taofia ai ni alii se toa 5 i le uumiaina o fualaau fa’asaina.”

O nei alii e aofia ai se alii;

➡️40 tausaga o Vailele ma Lefagaoalii

➡️23 tausaga o Lepea

➡️47 tausaga o Salelavalu

➡️44 tausaga o Vaiusu

➡️24 tausaga o Manono

E le’i faailoaina mai e leoleo poo lea se aofai o fualaau faasaina sa maua mai lea osofaiga.

E le’i faalauiloaina mai fo’i e pei sa masani ai, pe fia se seleni sa maua mai lea osofaiga.

Ua taofia uma i latou seia aulia le Aso Lua, 9 o Aperila 2024 mo le valaauina i luma o le fa’amasinoga.