To’a 20 ua Molia i Feeseesega tau Tuā’oi na tula’i mai i le vā o Samata ma Fagafau

"Ua toe sologa lelei le va ma le nofo lelei o afioaga e lua e pei ona sa iai i le amataga."

0
1672

E toa 20 ni taulele’a  ua molia i moliaga e leoleo i se faavalelave tau fanua lea sa tula’i mai i le va o Samata-i-Tai ma Fagafau, ma maliu ai lava se alii talavou mai Samata-i-Tai ae molia i le fasioti tagata faamoemoeina se tamā mai Fagafau.

O lenei faalavelave na tula’i mai i le Aso Sa 16 Iuni 2024, ina ua vevesi afioga i tuāoi ma fanua.

E pei ona faamaonia mai e le Komesina o Leoleo ia Auapaau Logoitino Filipo, “O se vevesi na tulai mai i le Aso Faraile, i le va o le afioaga nei e tuāoi, o Fagafau ma Samata-i-Tai, i tulaga tau fanua, ae na toe alia’e mai i le po o le Aso Sa..”

“Na amata i tau’aigā ma’a seia oo lava ina faaaoga ai laau malosi.”

O le to’a 20 ua molia nei e to’a 11 taulelea mai Fagafau ae to’a 9 mai Samata-i-Tai.

“O le toaiva lea mai Samata-i-Tai o loo aofia ai ma matai e toatolu.”

Ua molia uma i latou nei i le tau’ai maa, lafo o upu e lepetia ai le filemu ma le tau fa’amata’u, ma le faaoolima.

O loo tatala uma i latou nei i tua (on bail) e tālia ai le Aso 23 o Iunai e toe tula’i ai i luma o le Faamasinoga, e tali atu i a latou moliaga.

Fesootai nei loa le Digicel mo lenei auaunaga taugofie ma le faigofie ona faatino..

Ae o le Aso 8 o Iulai e tula’i ai le tamā Fagafau 50 tausaga lea o loo molia i le fasioti tagata faamoemoeina.

O loo vaaia i luga o upega tafailagi le ma’ea ai ona faatino se ifoga mai le aiga o e o loo molia, faapea le afioaga, e tusa ai ma le aganuu Samoa.

Saunoa le afioga i le Komesina o Leoleo, o loo faaauau pea suesuega a le Ofisa o Leoleo i Salafai ma e ono iai nisi moliaga faaopoopo.

Taua nisi o loo faalia latou finagalo i luga o upega tafa’ilagi, ua maea faatoesega, ifoga ma le toe faaleleiga i le va o Samata-i-Tai ma Fagafau.

“Ua toe sologa lelei le va ma le nofo lelei o afioaga e lua e pei ona sa iai i le amataga.”