Tipoti mai i Samoa ina ua Faamalosi se Tinā 71 Tausaga

0
1938

Tusia: Ana Loren stuff.co.nz. Fa’aliliuina: Marieta H. Ilalio. Ua faia nei se faaiuga a le Malo o Niu Sila e toe tipoti i Samoa se taule’ale’a e nofo mau i Aotearoa, ina ua fa’amaonia moliaga o le faiaiga fai fa’amalosi.

O le alii o Matila Ilia-Neemia na malaga i Niu Sila i le tausaga e 2011 i le fa’ato’a 13 o ona tausaga ma na vaetama e lona aunty ma lona uncle ma avea ai loa o se tagata nofomau i le atunu’u.

O le tausaga e 2015 lea na fa’aalia na atoa tonu ai lava le 18 tausaga o Ilia-Neemia ae ona fa’atinoina ai loa se soligatulafono i se tina matua. Sa oo atu o ia i totonu o le fale o lenei tina e 71 ona tausaga, ma na fa’aalia e fa’aalua ona ia faia iai ni faiga’aiga fai fa’amalosi i lea lava aso.

Na fa’amaonia lana soligatulafono o le faia o ni faiga’aiga fai fa’amalosi ma le ulufale fa’amalosi ma tu’uina atu ai i le to’ese mo le umi e 6 tausaga ma le 3 masina, peita’i na tatala i tua i le palola ina ua mae’a ona tuli le lua tausaga ma masina e tolu.

I le taimi na lauina ai lona fa’asalaga, na fa’aalia ai sa ulufale fa’amalosi Ilia-Neemia i le fale o si nei tina matua e ui atu i se faitotoa o matala, a’o lo’o ta’ele o ia.

Sa ia toso mai lenei tina i fafo ma le fale ta’ele ma fa’amalosi ia te ia i totonu o le faleleta’ua ma sa toe fa’atino foi i totonu o le potu ia uiga mataga lava nei.

Na fa’ailoa e le tina na a’afia i le fa’amasinoga, na tele se afaina o so’oga o ona tapu lima (wrists) ona o lenei soligatulafono na fa’atinoina ia te ia ma e le mafai ona toe ave’esea mai lona mafaufau lenei fa’alavelave sa tupu ia te ia ma ua tele ina me’i solo i fale eseese e nofo ai, ona o le fefe tele i mea na faia iai e le lenei alii.

—————————–

Faasilasilaga: Atinae Tau Tagata Tafafao Maimoa mai Fafo

——————————

I le faaiuga o le 2019, i le 23 ai o tausaga o Ilia-Neemia na tuuina atu ai se fa’asilasilaga o le a tipoti mai o ia i Samoa, ona o lenei soligatulafono na ia faatinoina i totonu o le 5 tausaga talu ona maua ona pepa nofo mau.

Sa apiliina e lea alii le Ofisa o Femalaga’iga ma se Komiti Fa’apitoa o Iloiloga o mata’upu fa’apenei i Niu Sila.

Sa te’ena e le Komiti fa’apitoa le apili a Ilia-Neemia ma fa’aalia ai e ui ina o lea ua avea le taulealea lenei ma tagata nofomau i Niu Sila, ae le o tuua ai lava le solitulafono.

Sa faaalia e lua masina talu ona tatala mai i tua i le palola lea alii, ae toe molia foi i le ave ta’avale fa’atamala i ni miliga taavale sa fai, ma lavea ai se ta’avale o ona foeina. Sa ogaoga ni manua o lona tausoga sa la toalua.

I le finauina o lana apili na fa’aalia ai e lenei alii, o le a lē aoga ana miti na ia fuafua iai mo sona lumana’i i Niu Sila. Sa ia finau foi e ala i lana loia, e manaomia le nofo ma faigaluega i Niu Sila, ina ia mafai ai ona lafo mai tupe i ona matua moni i Samoa.

Peita’i e le’o fo’i ai le fa’ai’uga e pei ona faia mo ia, e toe tipoti mai ai i Samoa.

 


Marieta H Ilalio