Teuteuga o Poloaiga o Faalavelave Tutupu Faafuasei Koviti-19

TEUTEUGA O LE POLOAIGA MO FA’ALAVELAVE TUTUPU FA’AFUASEI KOIVIT19-Aso 18 Novema 2021.

1. FA’AAUAUINA O LE PILIOTA MO FA’AALIGA FAASALALAU O FAALAVELAVE TUTUPU FAAFUASEI MO LE FAAMA’I O LE COVID-19 (EXTENSION OF PROCLAMATION FOR COVID-19)
2. FA’AAUAUINA O LE POLOAIGA MO FAALAVELAVE TUTUPU FAAFUASEI MO LE FAAMA’I O LE COVID-19 (EXTENSION OF STATE OF EMERGENCY ORDER FOR COVID-19

I lana Fonotaga FK(21)45 o le Aso Lulu 17 Novema 2021, na talanoaina ai e le Kapeneta le Pepa PK(21)821 ma faamaonia ai e faapea:

1. Le Fa’aauauina o le Piliota mo Fa’aaliga Faasalalau o Faalavelave Tutupu Faafuasei mo le COVID-19 (Extension of Proclamation for COVID-19) mai le Aso 22 Novema seia aulia le Aso 19 Tesema 2021;
2. Le Fa’aauauina o le Poloaiga mo Faalavelave Tutupu Faafuasei mo le COVID-19 (Extension of State of Emergency Order for COVID-19) mai le Aso 22 Novema seia aulia le Aso 19 Tesema 2021;

Le amata faamamaluina o le fa’aauauina o le Piliota mo Fa’aaliga Faasalalau o Faalavelave Tutupu Faafuasei (Extension of Proclamation for State of Emergency) faapea le Poloaiga mo Faalavelave Tutupu Faafuasei mo le COVID-19 mai le Aso 22 Novema 2021 seia aulia le Aso 19 Tesema 2021 ma toe iloilo ai e le Kapeneta.

E faatumauina pea aiaiga o Poloaiga o Faalavelave Tutupu Faafuase’i na mua’i tuuina atu.

FETU’UNAIGA O FAIGAMALAGA A VAALELE O LOO TOTOE MO LENEI TAUSAGA 2021

I lana Fonotaga FK(21)44 o le Aso Tofi 11 Novema 2021, na talanoaina ai e le Kapeneta le Pepa PK(21)810 ma faamaonia ai e faapea:

1. Le toe fetu’unaiga o aso o malaga a vaalele mo Novema ma Tesema 2021 e pei ona auiliili atu i lalo:

Faigamalaga mo le masina o Novema 2021

Aso 13 Novema 2021   

Malaga a le Air New Zealand mo le toe faafoi mai  o tagata mai Niu Sila.

Aso 16 Novema 2021

Malaga a le Qantas mo le toe faafoi mai o tagata mai Ausetalia.

Aso 21 Novema 2021   

Malaga togipau a le Air New Zealand mo le auina atu o tagata galulue i galuega faavaitaimi i Niu Sila.

Aso 30 Novema 2021

Malaga togipau a le Qantas mo le auina atu o tagata galulue i galuega faavaitaimi mo Ausetalia.

Faigamalaga mo le masina o Tesema 2021

Aso 3 Tesema 2021

Malaga togipau a le Qantas mo le auina atu o tagata galulue i galuega faavaitaimi mo Ausetalia.

Aso 4 Tesema 2021

Malaga a le Air New Zealand mo le auina mai o tagata mai Niu Sila.

Aso 7 Tesema 2021

Malaga a le Qantas mo le toe faafoi mai o tagata mai Ausetalia.

Aso 9 Tesema 2021   

Malaga togipau a le Air New Zealand mo le auina atu o tagata galulue i galuega faavaitaimi i Niu Sila.

Malaga a le Fiji Airways mo le aumaia o tagatanuu o loo iai i Fiti mo aoaoga ma galuega.

Aso 18 Tesema 2021

Malaga a le Air New Zealand mo le toe faafoi mai o tagata mai Niu Sila.

Aso 23 Tesema 2021

Malaga togipau a le Qantas mo le auina atu o tagata galulue i galuega faavaitaimi i Ausetalia.

1. Le tolopo o le malaga a le vaalele sa fuafua i le Aso 27 Novema 2021;
2. Le faatinoina o le tuiga tele (mass vaccination) i le Aso 19 Novema 2021;
3. Le faaaogaina o tagata faigaluega a le Malo e fesoasoani i le Matagaluega o le Soifua Maloloina i le faia o Tui Puipui Lona Lua mo le atunuu lautele. E faaauau pea galuega ma pisinisi masani a le Malo i lea aso;
4. Ua faatonuina le Komiti o Faalavelave Tutupu Faafuasei (NEOC) ina ia tapena mai le PK e auiliili mai ai fuafuaga o le amata ona totogi o le faanofoesea o tagata e malaga mai i le tausaga fou 2022.  O lenei lava talosaga ia faapea ona faamanino mai ai ma le totogiina o risk allowances mo i latou o loo taimua (frontline workers) i puipuiga o le COVID-19. 

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

0

0