Teuteuga o Poloaiga mo le Kerisimasi ma le Tausaga Fou

0
1705

Ua faasalalauina mai e le Malo ni suiga o nisi o vaega o tulafono o loo iai nei Samoa i lalo o poloaiga o faalavelave faafuasei.

Ua toe tatala le avanoa mo supamaketi sei oo atu i le 10 i le po, faapea faleaiga ma falekalapu ua faaopoopo leisi itula seia oo i le 11.

O Aso Sa ua mafai ai nei ona tatala faigalamaga mo uta oloa pe a tea le 3 i le afiafi, faapea ma pamu penisini ua mafai nei ona tatala pe a ta le 3 i le afiafi.

Ua aveesea foi le faatapulaaina o tagata i se faapotopotoga ma

TEUTEUGA O POLOAIGA MO FAALAVELAVE TUTUPU FAAFUASEI MO LE COVID19- Aso 20 Tesema 2020

I lana Fonotaga FK(20) Faapitoa 53 o le Aso Sa 20 Tesema 2020, na talanoaina ai e le Kapeneta ma faamaonia ai Teuteuga o Poloaiga mo Faalavelave Tutupu Faafuasei mo le COVID19 e pei ona auiliili atu i lalo:

1.  Femalagaiga i le Va o Upolu ma Savai

Le faataga o femalagaiga a vaa i le va o Upolu ma Savaii mai i le itula e 3:00 i le afiafi o Aso Sa, mo na o le felaua’iina o uta, pe a moomia.

2. Supamaketi

  1. Le tatalaina o supamaketi mai le 6:00 i le taeao i le 10:00 i le po mai Aso Gafua i Aso Toonai;
  2. O Aso Sa e tatala mai le 3:00 i le afiafi i le 10:00 i le po.

3. Faleaiga ma Faletalimalo

  1. Le tatalaina mo taumafataga mai le 6:00 i le taeao i le 11:00 i le po mai Aso Gafua i Aso Toonai;
  2. O Aso Sa e tatala i le 12:00 i le aoauli i le 10:00 i le po mo taumafataga (dining) pe oka ma ave i aiga (take away)

4. Pamu Penisini

  1. E tatala i le Aso Sa mai le 3:00 i le afiafi ae tapunia i le 10:00 i le po.

5.  Aofai Faatapulaa o Tagata i Potopotoga

  1. Le tatala o le numera o tagata i soo se Faalapotopotoga poo nofoaga faitele, a ia mata’itu le saogalemu o tagata uma.

6.  Falekalapu

  1. Le tatalaina o falekalapu mai le 6:00 i le taeao i le 11:00 i le po mai Aso Gafua i Aso Toonai.

7.  Toanai a soo se Faalapotopotoga i Aso Sa

  1. Le tatalaina o toanai a soo se Faalapotopotoga i Aso Sa taitasi.

8.  Taaloga Bingo

  1. Le tatalaina o taaloga bingo mai le 6:00 i le taeao i le 11:00 i le po o Aso Gafua i Aso Toonai.

9.  Maketi Fugalei, Vaitele, Salelologa, Afega ma Taufusi

  1. E tatala mai le 6:00 i le taeao i le 7:00 i le afiafi mai le Aso Gafua i le Aso Toonai;

10.  Fale Talavai

  1. E tatala mai le 3:00 i le afiafi i le 10:00 i le po o Aso Sa.

E amata faamamaluina o nei suiga mai i le Aso Gafua 21 Tesema 2020 seia aulia le Aso 4 Ianuari 2021 ma toe iloilo ai e le Kapeneta.

E faatumauina pea o isi aiaiga o Poloaiga o Faalavelave Tutupu Faafuase’i na mua’i tuuina atu.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.