O lo’o ua matua’i te’ena nei e se alii talavou e 21 tausaga le matua ni moliaga o le gaoi a’o avea ma tagata faigaluega a le Ah Liki Wholesale.
O Tavale Touli lea o lo’o molia e le itu a leoleo, ma tuuaia lona gaoia o ni pusa pata (butter) e silia atu lona tau aofa’i i le $90,000 tala Samoa pe a fa’atupeina.
E fa ni moliaga. E $18,000 le moliaga muamua, $8,911 le moliaga lona lua, $35,120 le moliaga lona tolu ma le moliaga mulimuli e $28,160.
Na tula’i lenei alii i luma o le Fa’amasinoga Maualuga ma ia fa’aalia e le mana’o e fai sana loia, ma e tu lava ia mo ia e ala i lana mata’upu.
I tolaulauga o lenei mata’upu o lo’o fa’aalia ai e fa’apea, i le va o le aso 01 o Tesema 2018 aga’i i le aso 30 o Ianuari 2019 o loo tuuaia ai le fa’atinoga e Tavale o nei gaioiga fa’asolitulafono.
E ta’i $189 tala i le pusa pata ma e silia ma le 400 pusa pata o loo tuuaia ai nei lenei alii talavou.
O Tavale sa fa’afaigaluega e le kamupani a le AhLiki Wholesale i Palisi lea o lo’o tagi i lenei mata’upu ma o lo’o te’ena uma e Tavale tu’ua’iga e fa o le gaoi a’o avea ma tagata faigaluega.
O le aso 26 o le masina o Aperila 2020 lea ua fuafua e le Fa’amasinoga Maualuga e amatalia ai le iloiloga fa’asaga ia Tavale ma o le a tula’i lava ia mo ia, e finauina lana mata’upu i luma o le Fa’amasinoga Maualuga.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
