Ua teena e i latou e toatolu o loo tuuaia i le gaoi ao fai ma tagata faigaluega a le Tradepac Company, ia moliaga o loo faasaga ia i latou..
E tusa ma le $245K tala o loo tuuaia ai Navneel Nitesh Nair o se tagatanuu mai Fiti, o Lagi Autagavaia, 24 tausaga mai Vaitele ma Toamua, ma Pelepesite Akeli 28 tausaga mai Toamua foi.
O i latou uma nei o loo latou teena moliaga e lima e aofia ai ma le gaoi ao avea ma tagata faigaluega (theft as a servant).
I faamaumauga a le itu a leoleo, o Ianuari le tausaga 2021 agai mai ia Mati sa toe’esea ai e i latou nei se seleni e silia ma le $200K tala.
O le isi tamaitai o loo molia ai foi, o Tamalelupeluse Silva 34 tausaga mai Puipaa, e lei mafai ona tulai i luma o le faamasinoga i lenei vaiaso, ma ua poloaina ai e lana afioga ia Fepuleai Ameperosa Roma le tusi saisai mo ia (warrant of arrest).
O Navneel Nitesh o loo tulai ai Tuatagaloa Shane Wulf, ae mo Lagi Autagavaia, o loo tulai ai Quentin Sauaga ae o Faimalotumua Mathew Lemisio o loo tulai mo Pelepesite Akeli.
Ua faatulagaina e le faamasinoga le Aso 22 Aperila 2024, e suesueina ai lenei mataupu, ae o loo tatala i tua i lalo o aiaiga e talia ai le aso o le a toe fofogaina ai lo latou mataupu.
Public Notices
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
