Home Court Teena e se alii sā avea ma leoleo moliaga o le faia...

Teena e se alii sā avea ma leoleo moliaga o le faia o faamaumauga sesē

E silia ma le $200,000 le nonogatupe sa faatinoina e Visesio lea o loo aafia ai le Malu o le Malo o loo tagi i lenei mataupu.

0
745

Ua teena e se alii sa avea ma Malu o le Malo moliaga o le faia o faamaumauga sese.

O lua moliaga o le forgery faasaga ia Visesio Anthony Sitanisolo, o loo tuuaia ai lona sainia faamalosi o le igoa o se isi foi Malu o le Malo, e faamaonia ai lana nonogatupe.

I taualumaga o le faamasinoga i le Aso Gafua 7 Aperila, sa toe faaui ai i tua e le alii loia ia Fuimaono Sefo Ainuu le talosaga mo se poloaiga a le faamasinoga e faasa ai ona faasalalauina le igoa o lē ua molia.

Na talia e le faamasinoga le talosaga ma ua faatulaga ai e le alii Faamasino o le Faamasinoga Maualuga ia Fepuleai Ameperosa Roma le Aso 22 Setema e suesueina ai mau o lenei mataupu.

I le valaauina o lenei mataupu i le vaiaso ua tuanai sa talosaga ai le loia a Visesio mo se poloaiga a le faamasinoga e taofia ai le faasalalauina o lona igoa.

Peitai, na saunoa Fepuleai e toatele nisi sa molia muamua i mataupu faapea, ae e le’i iai se poloaiga a le faamasinoga e taofia ai le faasalalauina o latou igoa.

I faamaumauga a le itu a leoleo i lenei mataupu, e faapea ai o Fepuari ia Iuni 2022, na faatino ai e Visesio se tusi, ma ia sainia faamalosi ai le igoa o se tasi o leoleo sa la galulue faatasi, e faamaonia ai lana nonogatupe atoa ma lona faia lea o nisi faamaumauga sese e faatino ai lana nonogatupe.

E silia ma le $200,000 le nonogatupe sa faatinoina e Visesio lea o loo aafia ai le Malu o le Malo o loo tagi i lenei mataupu.

Na tuua e Visesio le Matagaluega o Leoleo ina ua alia’e i luga ma suesueina le mataupu.

O loo tatala Visesio Anthony Sitanisolo i tua i aiaiga masani o le saini i le ofisa o leoleo i vaiaso taitasi ma le taofia o ona pepa malaga, e tālia ai le Aso 22 Setema 2025.

Vacancies

LEAVE A REPLY

Please enter your comment!
Please enter your name here