Ua teena e le Sui Faipule o le itumalo o Palauli 3 tuuaiga a se tasi o tamā o lona itumalo e faasaga i le faatinoina o le poloketi miliona.
I se finagalo ua mafai ona tuuina mai e le afioga iā Laga’aia Tiaituau Tufuga, na ia saunoa ai e teena ni mau a Autagavaia Upa o Vaitoomuli lea sa faapea mai, ua faate’a o ia mai le nuu ina ua ia fesiligia le faaaogaina o tupe o le poloketi.
Peitai, ua Saunoa Lagaaia, e leai se tulaga faapena.
Saunoa le Minisita Lagolago iā Laga’aia; “E sesē tuuaiga a Autagavaia.”
“O loo sologa lelei le poloketi tasi miliona a le itumalo, e leai se mea o gasē, o loo sosolo foi lava i lalo o aiaiga ma taiala o loo faatulaga mai e le Malo..”
“O la’u tatalo ia Autagavaia, fo’i i Savaii, fo’i i le itumalo e nofo ai ma faatino ai le tautua tausi aiga ma le itumalo, faatoa mafai lea ona e malamalama i le faagasologa o le poloketi a le itumalo..”
Saunoa Laga’aia, “Manumanu i lou faasinomaga e aua nei faatasina i le ala le nofo ese ma faalogologo tala.”
O le ofisa o le Fono Faavae a le itumalo o Palauli 3, e lei fausiaina so latou fale fou, ae sa ofo fua atu le isi maota a le Sui Faipule ia Laga’aia e fai ai le ofisa.
Peitai o le mau a Autagavaia, e tatau ona faapepa le foa’i.
Saunoa Autagavaia, “Sa tapā se faamaumauga o lea foai. Sa ou tapā foi sa’u Tala o le Tupe Faaalu peitai o le tali na tuuina mai, e le mafai, ona e faasā ona ave i tua faamaumauga o le Tala i le Tupe.”
“E le’i malolo la’u finau, peitai, na faateia a’u ina ua faailoa mai le finagalo a le pule mamalu o le matou nuu, ua autasi le finagalo a lo matou nuu, e faate’a a’u mai le nuu… ma ua faasa ona ou toe solia le eleele.”
O loo aumau i Lalovaea le fetalaiga iā Autagavaia Upa, ina ua tuuina mai le faaiuga a lona nuu o Vaitoomuli.
Sa faailoa mai e Autagavaia, ua ma’ea se feiloaiga sa fai ma Alii ma Faipule a lona nuu i le ofisa o le Faamasinoga o Fanua ma Suafa, lea ua tuuina mai ai le faaiuga e toe foi o ia ma lona e aiga i Vaitoomuli.
Ae saunoa le Sui Faipule iā Laga’aia, e manaia ae toe foi lenei matau i le itumalo e tautua ai, ae mataga le nofonofo atu i Apia, ae tau faaleaga
Public Notices
Win a Tropical Getaway holiday in Samoa when you book a return airticket during 1st to 31st October 2023 to visit Samoa. Send your entries to email: tropicalgetaway@samoa.travel
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
