Teena e le Faiaoga Ta’iulu a le MS7s Tuuaiga a se Tama Taalo ua Faaleo i Upega Tafa’ilagi

"Ia, e faamanatu atu fo'i la i tama ta'aalo mai fafo lea ua professional, e le faapea e omai ona iai lea o se special treatment mo outou.."

0
9982

O le vaiaso na te’a nei a’o alu atu le ‘au a le Manu Samoa Taitoafitu e faatino a latou trials mo le taamilosaga i Perth, sa faasalalauina ai i luga o upega tafa’ilagi ni tuuaiga matuia a se tasi o tama fanau Samoa o loo ta’alo i Farani.

I se faatalanoaga ma le susuga i le Faiaoga Ta’iulu le afioga ia Fata Muliagatele Brian Lima, sa ia teena ai le tele o tuuaiga a Elijah Niko na faasalalauina, e faasaga i le au taitoafitu faapea le pulega.

I se finagalo a le Faiaoga, na ia saunoa ai e faapea, “e leai ma se tuuaiga e faamaonia.”

On se faatalanoaga ma le Faiaoga Ta’iulu a le Manu Samoa Taitoafitu ina ua maea trials, Aso Faraile 12 Ianuari, 2024

O le susuga ia Elijah Niko ua 33 nei ona tausaga, o loo taalo i se kalapu o loo i le taamilosaga lona tolu mai i lalo (third division club) i Farani o le Stade Aurilacois. Sa taalo o ia i le au taitoafitu a Samoa mo le taamilosaga i Lonatone (London) ia Me 2023 ina ua lavevea nisi o le au sa avatu i Samoa nei.

O le faaiuga o le tausaga 2023 ao alo atu le au taitoafitu mo le sueina o se avanoa o Samoa mo le Olimipeka, faapea Taaloga o le Pasefika (Pacific Games), na sau ai Elijah Niko i Samoa nei, ma ta’alo ai i le trial a le Taitoafitu.

Sa malaga ai fo’i Elijah faatasi atu ma le au a Samoa i se training camp sa faia i Fiti. Peitai e lei filifilia o ia mo le Oceania. Sa fili Elijah Niko i le au lea sa agai e tauave le fua a Samoa i Solomona mo taaloga a le Pasefika, peitai, e na te le’i fia auai ai.

Butterfly Tops. Call us on +685.7790054 and Visit our store at Savalalo and Follow us on Facebook.

Saunoa le Faiaoga Ta’iulu ia Fata Muliagatele Brian Lima, o le tuuaiga ua fia aai tama taaalo (starving) e le moni lea tala.

“O Fiti, e breakfast, lunch, dinner… ua maea ona faatulaga lelei meaai e paleni mo le tausiga o le tino o tama ta’aalo.”

“O Elijah sa fia sau e sue sona avanoa e ta’alo ai. Ona ou talanoa lea iai e sau i inei e tolegi ai ma vaavaai foi iai le pulega.”

“E totogi lava e oe lou pasese ae afai e piki oe ona toe totogi atu lea e le Iuni Lakapi o tupe na fa’aalu mo lou pasese.”

Saunoa Fata Muliagatele, o aiaiga lava na a le Lakapi Iuni mo tama taaalo mai fafo e fia sue avanoa mo le au taitoafitu a Samoa.

Peitai, e tusa ai ma le silasila a le Faiaoga Ta’iulu, e le’i ausia e Elijah le tulaga maualuga o loo moomia e pei ona ausia e si tama taaalo sa tauva faatasi mo avanoa.

“O le mafuaaga lena e le’i toe refund ai lona pasese.”

Visit SOS at Togafuafua or Salelologa.

Saunoa Muliagatele, na toe tuu iai le avanoa e tolegi faatasi ai ma le au lea sa tapena mo le Pacific Games i Solomona, ae na tali mai, e leai, o ia o le a toe foi.

“Ia, e faamanatu atu fo’i la i tama ta’aalo mai fafo lea ua professional, e le faapea e omai ona iai lea o se special treatment mo outou..

“E leai, a tou omai, tou te o faatasi lava ma local players poo tama ta’aalo o le squad lea ei Samoa nei.”

Ua tatala nei avanoa mo sikolasipi a le BSP.

Avanoa e Agai ai Tama Taaalo mo Konakarate i Fafo

O le isi tuuaiga a Elijah Niko, sa faapea mai ai ua taofi e le pulega a le Lakapi Samoa se tasi o tamaitiiti taalo, 19 tausaga, mai se konakarate na ia aumaia i se kalapu mai Farani.

Saunoa le Faiaoga Ta’iulu, “O le isi itu e ao ona silafia e le mamalu o le atunuu, e lē o taofia e le pulega se avanoa mo soo se isi lava.. pau lava le naunautaiga a le pulega ia atiina’e tama ta’aalo ia lelei ma ia maua avanoa i luga atu e fa’aauauina ai le taleni aemaise o le maua o faamanuiaga mo aiga, e pei ona faamanuiaina ai Vaa Apelu, o Miracle Faiilagi, o Theodore ma isi..”

“O lea foi faatali le visa mo le avanoa o Melani e toe fo’i ai i le Moana Pasifika..”

“E le o taofia e le pulega se avanoa se isi.”

Business Class

Saunoa Fata Muliagatele, e le o totogiina e le Lakapi Samoa le business class e malaga ai le pulega. O malaga uma a le au taitoafitu a Samoa mo le HSBC SVNS, e aumai lava e le World Rugby ticket e malaga ai le au.

O le faasalalauga a Elijah Niko, o loo ia tuuina mai ai se ata video e faaali mai ai le Susuga i le Faiaoga Lagolago ia Tausa Faamaoni Lalomilo, o loo nofo mai i le business class.

I suesuega a le Samoa Global News, na maua ai, o lena malaga, sa agai atu ai le Faiaoga Lagolago i se faalavelave a lo latou aiga i Niu Sila. O le toe fo’i mai o Tausa i Samoa nei, ae sa malaga mai ai ma Elijah i le vaalele lava e tasi.

Click here to order Delicious Cakes online for your family in Samoa!

E le o se malaga a le au taitoafitu. Ae ua pueina e Elijah le ata o le Faiaoga Lagolago, ma ua tuu mai i luga o upega tafa’ilagi ma ia fesiligia: “Aisea e malaga ai i le business class faiaoga ae malaga tama taaalo i tua.”

O se tulaga olegia tele ua fai e lea alo o Samoa ma taufaaleaga ai le Faiaoga Lagolago o loo malaga lava ia i luga o faalavelave tau le aiga.

O Tausa Faamaoni Lalomilo ua silia ma le 15 tausaga o auai i Au Taitoafitu a Samoa aua sa Taitaimalaga foi i le taimi o Masoe Steven Betham. O loo tele faamanuiaga tau frequent flyer ua mafai ona ia ausiaina.

Dubai

Saunoa le Faiaoga Ta’iulu ia Fata Muliagatele, o lea fo’i ua toe laga mai e Elijah ae maise o nisi o tama taaalo mai fafo, mea sa tutupu i Dubai i le lua tausaga talu ai.

“Ae e le’i auai ai si uso lea i Dubai..”

“O le tulafono a le IRB sa foefoeina ai lena taimi ina ua vevesi le koviti, aemaise o le tulafono a le hotel sa matou iai, e faasa ona toe sau se isi i fafo ma le potu, ona ua maua le au i le koviti..”

Saunoa Fata, “E penalize ai le hotel, e tusa ma tulafono a le atunuu, ae o loo puipui foi le hotel i a latou guests i tei ua maua ai se isi.”

“O le tala lea ua intercept e le pulega ia meaai – sa lipoti mai e le hotel, e i ai tama taaalo lā ua oka atu latou meaai i le room service, ae o loo iai ma ava malosi, beer ma wine. O le ala lena sa taofi ai e se tasi o le pulega le oka meaai lena..”

“Ae sa iai lava meaai taumafa lelei na kiliva e le faletalimalo i lena taimi ona o le puipuiga o malō mai le faamai.”

“E faanoanoa lava ona o le taufaasese ma le lē faavaea o nei tuuaiga, ae tatou tuu ia i luma o Le Alii.”

Agent

Saunoa Fata Muliagatele, afai o Elijah Niko o se agent na te sueina mai konakarate mo tama taaalo, e tatau ona ia faaetete i konakarate third division e aumai mo alo ma fanau o loo maualuga le level o loo taaalo ai i le International.

“Mo le silafia a lea uso, afai o ia o se agent, e tatau ona ia iloa le tele o itu eseese e fua iai se faaiuga a se tama taalo i fuafuaga mamao mo lona career ae maise le pathway e fia agai iai lana plan..”

Elijah Niko

Saunoa Le Faiaoga Ta’iulu, o loo telē foi se galuega o loo faatino e le pulega e atiina’e ai le taleni a le fanau ia manuia.

“Ae tatau foi ona manatua e si uso lea, o ia o loo ta’alo i le third division, ae ao ona ia ausia le maualuga lea e target pe tulimata’i iai le vaai a le pulega.”