Teena e le Ave Pasi Moliaga, Le’i iai lava ni Moliaga Faasaga i le Kamupani Pasi

0
768

Ua teena e lē sa faafoeina le pasi a le Laumosooi moliaga e 37 a le itu a leoleo e faasaga ia te ia.

O se taeao o vavega na sao ai le soifua o le toatele o le pasese pe a faatusa atu i se vaaiga na oo iai le malepe taape o le pasi MO 123 i Malifa i le taeao o le Aso Gafua 02 Oketopa 2023.

E lei pasiaina le pasi e pei ona faamaonia mai e le LTA (pulega e vaaia taavale afi) ae le’i uumiaina foi e le ave pasi se laisene ave taavale la’u pasese.

I le taeao la o le Aso Gafua 23 Oketopa sa tula’i ai Togamataimoana Vaea, 35 tausaga mai le afioaga o Siumu, ma tuuina mai sana tali tetee i moliaga uma e 37 a leoleo faasaga ia te ia.

Sa tuuina atu se talosaga tusitusia a le ua molia mo se avanoa e tatala ai o ia i tua, e tālia ai taualumaga o le Faamasinoga ao faagasolo.

Peitai o loo teena e le itu a leoleo e ala atu i le Ofisa o le Loia Sili (Prosecution) lenei talosaga (bail application).

Ua faatulaga e le afioga i le Faamasino iā Fepuleai Ameperosa Roma le Aso 30 Oketopa e tuuina mai ai se tali a le faamasinoga i le talosaga apili.

O le vaiaso talu ai na talosaga aI le itu a le Ofisa o le Loia Sili mo se taimi e faama’ea mai ai a latou moliaga.

Ina ua valaau le mataupu i le vaiaso nei ua tulai mai ai le 37 o moliaga e aofia ai moliaga e lua o le fasioti tagata pa’ivalea (motor manslaughter) ina ua maliliu ni tamā se toalua mai Falealili, e 66 ma le 64 tausaga.

E lua foi moliaga o le ave taavale faatamala ua maliliu ai nisi (negligent driving causing death) ae 31 moliaga o le ave taavale faatamala ua manunua ai nisi o le pasese e toa tolusefulu tasi.

O Togamataimoana sa ia faafoeina le pasi Laumosooi, ae tulai mai loa se faaletonu i le pasi. O loo masalomia le gau o le kifi poo le leai foi o ni taofi o le pasi e māua sa masani ona taofi kia.

E oo mai i le asō, e lei iai lava ni moliaga a leoleo e faasaga i le kamupani e ana le pasi poo ē ana le galuega mo aafiaga i le mamalu o le atunuu e ala atu i le sa galue i lalo o lo latou faamalumaluga.

Message from STA

Win a Tropical Getaway holiday in Samoa when you book a return airticket during 1st to 31st October 2023 to visit Samoa.

Send your entries to email tropicalgetaway@samoa.travel

Win a Tropical Getaway holiday in Samoa when you book a return airticket during 1st to 31st October 2023 to visit Samoa. Send your entries to email tropicalgetaway@samoa.travel
Happy Booking! 🌴🥥 #samoatropicalgetaway #beautifulsamoa