Tea i Tua le Toatele o le 31 sa Faanofoesea

0
259

Aso Faraile 18 Fepuari 2022. O se otootoga lea o nisi o tulaga o loo gafa ma le tatou NEOC – Pulega o Faalavelave Faafuasei, e tusa ma se feiloaiga ma le afioga i le Tatitatifono ia Agafili Tomaimano Shem Leo ma le taitai o le Matagaluega o le Soifua Maloloina, le afioga ia Leausa Dr Take Naseri i le Aso Tofi 17 Fepuari 2022.

Leai Nisi o Aafia o le Pasese

E leai se isi o i latou e toa 272 na malaga mai Niu Sila i le Aso Toanai ua tea nei o loo maua i le faamai o le kovito, e oo mai i le aso nei.

O le aso 14 o Fepuari na faailoa i le mamalu o le atunuu le tulaga i lenei pasese sa taunuu mai. O se malaga na tu’u e taunuu mai I Ianuari, ae talu ai ona o tulaga i le tapunia ai o le atunuu i le vavao mo le fa’amai o le koviti lea na toe tolopoina ai i le aso 12 Fepuari.

Tea i Tua le Toatele o le 31

I le saunoaga a le afioga ia Leausa agai i le tulaga ua iai i latou e toa 25 o le pasese ma le toa 6 o Tamaitai Tausi Soifua sa faanofoesea ina ua maua i le faama’i o le koviti – o loo solosolo malie pea le faamoemoe e pei ona iai tapenaga, e oo mai lava i le aso ananafi.

E toa tolu i latou o le pasese o loo totoe i totonu o le faanofoesea. Ua lua ni a latou negative test sosoo lava.

“E faatolu lava ona test le tagata, a faapea e tumau lava le negative, ona faatoa mafai ai loa lea ona tuua le faanofoesea, ae ia i totonu lava o le 21 aso lea ua faatulagaina e faanofoesea ai. ”

O le aso a taeao e faamaeaina ai tests mo i latou nei e toatolu, ona mafai ai lea ona release i tua.

“E eseese uma taimi e o ai i tua ona e eseese uma taimi na maua ai i le faama’i.”

Tausi Soifua

Na saunoa foi Leausa, mo tausi soifua sa maua i le koviti, o loo iai pea i latou i le isolation ona o le auaunaga o loo faagasolo pea, ae o loo fai lava a latou siaki.

E toa 4 Tausi Soifua mai le toa 6 ua malilie lava e nonofo pea i le Isolation Unit i Motootua e faaauau le auaunaga.

“E moomia lava i latou auńĀ le auaunaga, ae sei faauma o latou tests ona faasee laia i tua ona e moomia lava i latou mo le galuega pea uma ona fai a latou final tests.”

Tolopoina le Vaa mai Niu Sila

Faailoa foi i lenei feiloaiga o le isi malaga mai Niu Sila sa fuafuaina mo Fepuari mo le toe foi mai ai o tatou aufaigaluega  faavaitaimi ma tagatanuu mai Niu Sila, ua tuuina atu lea mo le Aso 6 Mati 2022.

Tui Puipui

Sa saunoa Leausa, o le tulaga i tatou tui puipui o le koviti o loo faatino lava le galuega a le Matagaluega, ae ona o le tui e maua mai lava ae vave foi ona toe uma.

O isi falemai i tua o loo logo mai o loo iai lava a latou vailaau o le Pfizer o loo totoe ae o isi lava falemai ua uma, ma e logo atu lava i le taimi e maua ai le tui.”

“O le tulaga i tatou tui nei o le Pfizer lea mai Niu Sila, e mo le fanau e 5 i le 11 tausaga le matutua ae o le taimi nei e lei taunuu mai lava o loo faatalitali i se taimi ma se aso e taunuu mai ai. Ua umi tele ona faasalalau solo i News i Niu Sila ae e lei taunuu mai lava tatou tui i le taimi nei.”