Tau Sā’ilia e Leoleo se Tamaitiiti ua 4 Aso Talu ona Leiloa

"Na usu lava i le aoga i le taeao, peita’i e le’i toe fo’i i le fale e oo mai lava i le taimi nei.."

0
1938

🚨 FAAALIGA TAUA: TAMAITIITI O LO O TAU SAILIA 🚨

E talosagaina e le Matagaluega o Leoleo Falepuipui ma le Ola Toefuataina le fesoasoani a le mamalu o le atunuu, i le sailia ai o se tamaitiiti e igoa ia Filipo Filipo, 14 tausaga o Vailima.

O le taimi mulimuli na vaaia ai lenei tamaitiiti e lona aiga, o le taeao o le Aso Tofi 4 o Iulai 2024.

Na usu lava i le aoga i le taeao, peita’i e le’i toe fo’i i le fale e oo mai lava i le taimi nei. Sa ia laei ina lana toniga aoga, e lanu meamata pa’auli ma le lanu meamata vaivai.

Faamolemole se tasi e na te silafiaina se nofoaga poo ni faamatalaga e uiga i lenei tamaitiiti, ina ia faafesootai vave ane se ofisa o Leoleo latalata ane, po o le valaau mai foi i le numera o le telefoni 22222.

Galulue faatasi mo se Samoa Saogalemu.

🚨 IMPORTANT NOTICE: MISSING TEENAGER 🚨

The Samoa Police, Prisons & Corrections Services is seeking the public’s assistance in locating Filipo Filipo, a 14-year-old male of Vailima. Filipo has been missing since Thursday, July 4, 2024, after attending school that morning and failing to return home. He was last seen wearing his Vailima Primary School uniform, which consists of light and dark green attire.

If you have any information regarding Filipo’s whereabouts, please contact the nearest police station or call 22222.

Working together for a safer Samoa.