Ua fa’alauiloa mai e le Afioga i le Alii Minisita o Tupe, le Afioga ia Sili Epa Tuioti tau fou o le suau’u e afua atu i le Aso 1 Tesema 2020.
Na saunoa le Afioga i le Minisita o Tupe o le a siitia le tau o le penisini i le 0.3 sene, e lē atoa se sene, ma o le a leai se suiga o le a faatumauina pea le tau i le $2.18 sene i le lita.
O le tiso o le a siitia i le 2 sene mai le $2.06 i le $2.08 i le lita, ma le karasini o le a siitia i le 6 sene mai le $1.62 i le $1.68 sene.
Sa maitauina le mausali o alafua o loo fuafuaina iai tau mo oloa tau suau’u e pei o le tau o le suauu i Sigapoa ma le totogi mo le felauaiga o oloa tau suauu i luga o le vasa i le masina o Oketopa, ae peitai ona o le tau o le fesuiaiga o le Tala Samoa agai le Tala Amerika i le 0.5% ua afua ai ona siitia tau mo oloa tau suauu uma.
(6)
