Mo le uluai taimi i Samoa ma le Pasefika ua faatuina ai se nofoaga mo fiafiaga e ala i faaluega ma masini tietie ai fanau ma matua, na aloia lona faapaiaina e le Afioga ia Patele Lui Sanele o le faatonu o faasalalauga ma fesootaiga a le Ekalesia Katoliko i Samoa i le asõ i lona nofoaga i Tafaigata.
O le Fiafia Park ua faaigoina e le Alii Palemia o Samoa, o se pisinisi ua faatuina e le alii lauiloa ia Tupa’i Bruno lea na te aumaia e le gata o Samoa ae o isi atunuu o le lalolagi sa malaga iai faaaliga ofoofogia (circus) o loo auai iai alo e toalima o le atunuu.
O le Alii Palemia sa ia saunoa e faailoa le taua o lenei nofoaga atoa ai ma le taulagalaga i mea lelei o Tupa’i aua lo tatou atunuu
O le Fiafia Park ma lona autu ia faafiafiaina ai fanau aemaise o se nofoaga e agai iai aiga.
O le uluafale e $6 tala mo fanau ae $12 tala mo tagata matutua.
O lo a tatalaina aloaia i le aso a taeao i le afiafi, amata atu i le 4pm ae o le a faailoa mai i se taimi ona ituala tatala mo le mamalu o le atunuu.
(3)
