Tatala i tua Edwin Tamasese e tālia ai le aso o lona faamasinoga

0
562
Tamasese is being represented by Sarona Ponifasio

Na tolaulauina i le taeao nei le mataupu e faatatau ia Edwin Tamasese lea na molia e leoleo i le moliaga o le “incitement against the government’s vaccination order” poo le faia o uiga faalavelave i le tulafono o tuiga a le malo.

O loo tulai mo lea alii le tamaitai loia ia Sarona Ponifasio, ma e lei teena e le itu a leoleo le tatala ai o lea alii i tua vagana ai tuutuuga o le tatalaina ai i tua e ao ona usitaia.

O Tamasese na molia e leoleo a’o iai i Savaii i le Aso Tofi ua mavae ma sa taofia o ia i le falepuipui i Tanumalala e talia ai le tolauina o le faamasinoga.

Sa talia e le alii faamasino ia Leota Raymond Schuster le tatala i tua o Edwin Tamasese.

O tuutuuga o le tatala i tua o Tamasese e aofia ai le faasaina ona toe faia ni ana faamatalaga i luga o le social media e faatatau i le misela.

Ia aua lava nei ona toe tuuina atu ni vai mo togafitiga o tagata o loo maua i le faama’i, atoa ai ma le saini lea i le ofisa o leoleo i Apia.

O le uluai tagata Samoa lea ua molia i lea ituaiga moliaga, ma ua toe tolopoina lea mataupu i le aso 17 o Ianuari 2020,  sei faamautu mai moliaga a le itu a leoleo.


Maina Vai

Maina Vai of Fasitoouta is a mother of five. Maina has recently graduated with a Certificate of Customary Adjudication from the National University of Samoa.
Maina Vai