Tapā e le Matagaluega Leoleo se Fosoasoani a Niu Sila mo le Fonotaga a Taitai o le Taupulega 2024
O tapenapenaga a le Malo o Samoa mo le fonotaga a taitai a Malo o le Taupulega lea e faamoemoe mo le tausaga 2024, ua manaomia ai le fesoasoani a le Matagaluega Leoleo i Aotearoa.
Na faamaonia mai lea tulaga e le Sui Komesina, Papalii Monalisa Tiai-Keti.
Saunoa Papalii, o le tasi lea o mataupu na faatalanoaina ma le Komesina o Leoleo i Niu Sila, le susuga ia Peter Coach ao iai le Komesina a Samoa i Aotearoa.
O le masina ua tea nei sa malaga atu ai le Komesina ia Auapaau Logoitino Filipo ma nisi o sui o le Matagaluega, mo le faatalanoaina o lea tulaga. Saunoa Papalii, e le fou lenei soosootauau ma le felagolagomai o matagaluega, sa faia muamua foi i tausaga ua mavae.
O le fonotaga a Malo Laiti (SIDS) lea na usuia ia Setema 2014 na malaga mai ai foi se vaega o leoleo mai Niu Sila e faatino se fesoasoani e tau ala mai le puipuiga poo le security, ae maise o taitai o atunuu eseese o le a auai ai.
O le fonotaga o loo tapenapena nei iai, e pei ona saunoa Papalii, “E tatau ona maualuga le puipuiga ona o le toatele o Malo o le lalolagi o loo avea ma sui auai o le Malo o le Taupulega, lea e 54 atunuu eseese o le lalolagi e sui auai ai.”
E tai lua tausaga ma fono atunuu o le Malo o le Taupulega poo Commonwealth countries. O lea fonotaga e faaigoaina o le CHOGM – Commonwealth Heads of Commmonwealth Meeting.
Talu mai le 1971 sa faavaeina ai Malo o le Taupulega, e 25 ana fonotaga ua faataunuuina. O le fonotaga o le 2022 lea sa auai atu ai le Palemia o Samoa Afioga Fiame Naomi Mataafa i Rwanda. E 4,000 le faitau aofai o tagata sa auai atu i Rwanda mo le fonotaga o le 2022. E
