Taofia se Alii 34 Tausaga i se Osofaiga a Leoleo i Savaii

0
7920

Na taofia mai i se osofaiga a leoleo i le motu tele i Salafai se taulealea 34 tausaga o Vailoa Palauli.

Saunoa le afioga i le Komesina o Leoleo iā Auapaau Logoitino Filipo, o le taeao o le Aso Lua sa faatino ai se sailiga a le Matagaluega mo laau faasaina ma maua ai mariuana i le maumaga a le taulealea.

Sa aoina mai e leoleo mariuana toto, o paelo o loo faaputu ai mariuana ua mamago, ma sikareti ua uma ona ta’ai.

E lei faamautu mai le aofai atoa poo le street value o laau toto, ma sikareti sa aoina mai e leoleo. I ata sa pueina mai, e foliga mai e laiti laau toto na aoina mai, ma nisi laau o loo faamili (pot plants).

 

Sa momoli mai le faafetai a le Komesina i le mamalu o le atunuu o loo lagolagoina galuega a le Matagaluega.

“E momoli atu le faafetai a le Matagaluega i le mamalu o le atunuu i Pulega mamalu a Alii ma Faipule,  Saofaiga o Matai o Nuu ma i latou uma o loo faapea ona tuuina mai le lagolago e lipotia mai ai mataupu faapenei i le Matagaluega.

O loo taofia nei e leoleo lē ua molia e tālia ai le Aso 6 Fepuari e tulai ai i luma o le Faamasinoga Maualuga i Apia.

O le tasi nei o taumafaiga a le Matagaluega e tineia le soligatulafono o le uumia o fualaau faasaina, e pei ona faatino ai pea a latou osofaiga, e le gata o Upolu ae faapea foi Savaii.

O le vaiaso na tea sa molia ai le toa 14 o nisi sa taofia mai e leoleo i se osofaiga i Malifa.

I osofaiga uma nei e lua sa faatino i lenei vaiaso, e le’i tā’ua ai pe sa maua atu se tinoitupe, e tusa ai ma le fefa’atauā’iga o fualaau faasaina.

E pei sa masani ai le Matagaluega o Leoleo i tausaga ua mavae, e faaputu uma laau faasaina, o tupe, o laau malosi ma nisi lava oloa e maua mai i osofaiga, ona valaau mai lea o le vasega o tusitala (media) e o atu e molimauina le aofai o le tinoitupe e maua mai osofaiga eseese a leoleo.

Ua le toe faia lena tulaga, ae ua faasalalau mai lava e leoleo i lalo o le latou media, ma tuuina mai ata sa pueina e i latou lava.

    1. Butterfly Tops. Call us on +685.7790054 and Visit our store at Savalalo and

Follow us on Facebook.