Taofia Lē Tumau le Toe Auina Mai o Oloa Uma e Gaosia Mai Ááno o Puaá Mai i Atunuú o Loó Aáfia i le Faámaí o le Fiva Aferika o Puaá

By
Press Release
-
0
335

Aso 30 Novema 2020

Mo le silafia e le mamalu o le atunuu.

E tusa ai ma le uluaí faásilasilaga faálauaítele a le Matagaluega i le Aso 7 o Iulai 2020, na faáiloa aloaia ai aiaiga mo le faáulufaleina mai i Samoa o oloa uma e gaosia mai i ááno o puaá mai i atunuú o loó aáfia i le faámai o le fiva Aferika  o puaá, o lea e fautuaina ai le mamalu o le atunuú, ua taofia nei mo se taimi lē tumau le toe auina mai o nei oloa i Samoa.

  1. E lē aáfia i lenei faásilasilaga oloa e auina mai i atunuú e lē o maua ai le faámai o le fiva Aferika o puaá.
  2. E tusa ai ma faámaumauga faásaienisi, o le fiva Aferika o puaá e lē aáfia ai le soifua maloloina o tagata, ma o oloa o loó i totonu o Samoa i le taimi nei, ua faámaonia e le Matagaluega o loó saogalemu mo le fofoga taumafa. O oloa nei e aofia ai:
    • Deli Pork Luncheon meat;
    • Tasi Pork Luncheon meat;
    • Kings Choice Pork Luncheon; ma le
    • Uncle Sam Pork Luncheon meat.

O isi uma ituaiga oloa tuúapa e gaosia mai i aáno o puaá e lei taliaina e le Matagaluega, e lē faátagaina ona faátau atu i le mamalu o le atunuú, ma o loó aáfia pea i Poloaiga o le Taofia lē tumau.

  1. E fautuaina le mamalu o le atunuú ina ia lafoaí i se tulaga saogalemu atigiápa o nei oloa ma ia aua nei fafagaina puaá i toega ma otaota mai i nei oloa tuúápa.
  2. O lenei faásalalauga ua faia e tusa ai ma le Vaega 33 o le Tulafono e Puipuia Oloa Feaveaí poó le Kuarenitini 2005, faápea galuega faátino a le Matagaluega ina ia puipuia ma taofiofia ai le sao mai o le five Aferika o puaá i totonu o Samoa.
  3. Mo nisi faámatalaga, faámolemole faáfesoótaí mai le Vaega o le Kuarenitini a le Matagaluega i le numera telefoni 20920 poó le 22127.

Faáfetai

Tilafono David Hunter

OFISA SILI O PULEGA

Atunuu o loo maua ai le faamai:

  • China
  • Vietnam
  • African countries
  • Georgia
  • Armenia
  • Russia
  • Azerbaijan
  • Ukraine
  • Belarus
  • Lithuania
  • Poland
  • Latvia
  • Estonia
  • Romania
  • Czech Republic
  • Belgium
  • Laos
  • Myanmar (Burma)
  • Cambodia
  • Mongolia
  • North Korea
  • Republic of Korea
  • Philippines
  • Timor-Leste
  • Indonesia
  • Bali
  • Greece
  • Papua New Guinea

Latest posts by Press Release (see all)

RELATED ARTICLESMORE FROM AUTHOR