Talosaga Tala Pauga e Faasee Ese le Afioga i le Faamasino mai lana Mataupu

0
515

O le taeao o le Aso Lua na folasia ai i luma o le Faamasinoga Maualuga se talosaga a Talalelei Pauga, ina ia faasee ese le Afioga i le Faamasino iā Niava Mata Tuatagaloa mai le iloiloina o lana mataupu.

O le tamaitai loia iā Josephine Sapolu na tauala mai ai le talosaga a Pauga, lea o loo molia ma tuuaia i lona taitaiina o se taupulega e faaoo le oti i lē sa avea ma Palemia, Tuilaepa Sailele Malielegaoi.

I le fofogaina o le talosaga na saunoa ai le tamaitai loia, “O Taualai Leiloa, Lema’i Sione ma Malele Paulo, lea ua tuli faasalaga i le toese i le mataupu lava lea e tasi, ae o le afioga iā Niava Mata Tuatagaloa sa tagofia le iloiloina o a latou mataupu.”

Complete setup; laptop, mouse, bag and printer!

Na saunoa le Faamasino Sinia o le Faamasinoga Maualuga, le Afioga iā Vui Clarence Nelson, o lenei talosaga e ao foi ona silafia e le Itu a Leoleo (Prosecution).

“Ua i luma o le Faamasinoga lau talosaga.. afai ae talia e le tamaitai faamasino le talosaga, lona uiga, o le ā taoto le mataupu lenei mo le faaiuga o le tausaga..”

Saunoa Vui o se taimi umi o le a tālia ai le sueseuina o le mataupu.

Saunoa Vui, “O lona uiga, o le taunuu mai o faamasino mai fafo latou te tagofia suesuega o mataupu apili, o le a tagofia ai loa ma lea mataupu.”

Samoa is the Home of Taula.

Peitai, o le faaiuga o Tesema 2023 na tuuina mai ai e le Faamasino iā Niava Mata Tuatagaloa le vaiaso; 18-24 Mati 2024, e fofogaina ai ma suesueina ai lenei mataupu ua loa tausaga o tālia.

Hotel Elisa. Call +685.21116 or Visit www.hotelelisa.ws or Email: w

Saunoa Niavā i lena taimi, e ono faaleaogaina aiaiga o le tatala ai i tua o Pauga (on bail) – ona o le tele o talosaga toe tolopo o loo tuuina atu e loia a Pauga, pe a oo i aso e fofogaina ai le mataupu.

Saunoa le Faamasino, “E le toe talia e le Faamasinoga se isi mafuaaga o le a faatuai ai ona tagofia e le Faamasinoga le mataupu, e mafua mai le loia ma le itu o loo molia..  poo le faaleaogaina loa o aiaiga o le tatala ai i tua.”

O Talalelei Pauga na aumai faapagota (extradited) mai Ausetalia e mafua mai i tuuaiga o ia sa faatupeina atoa le fuafuaga e tagatavaleina Tuilaepa, faapea ma lē sa avea ma Komesina o Leoleo, Sua Fuiavailiili Egon Keil.

O le tausaga 2019 sa mua’i lagaina ai lenei mataupu ina ua lipotia e Alii ma Faipule o Laulii i le Matagaluega o Leoleo, le alii o Taualai Leiloa o se faiava i le nuu.

O Tesema 2020 sa tuuina mai ai se faasalaga falepuipui mo le 5 tausaga mo Taualai, ina ua faamaonia o ia sa faatonu e le au taupulepule, e faaoo le oti ia Tuilaepa.

O Aukuso 2023 sa tuuina mai ai faasalaga falepuipui ta’i 4 tausaga mo Lema’i Sione ma Malele Paulo (King Faipopo) ina ua faamaonia a la moliaga o le taupulepule faatasi ma Taualai.

Totoe ai loa na o Talalelei Pauga, lea e tuuaia sa ia lafoina mai tupe mai Ausetalia, ma tuuina mai faatonuga uma o le taupulega. Peitai o Setema 2023 na faatoa mafai ai ona aumai faapagota Tala Pauga mai Ausetalia e tulai i luma o le Faamasinoga, lea e iai le mataupu o loo toe tolopoina nei.

O Mati o le a tuuina mai ai se tali a le Faamasinoga e tusa ma le talosaga a Talalelei Pauga, e faasee ese le Afioga i le Faamasino.

Faasilasilaga Taua