Ua talosaga e le itu a leoleo le Faamasinoga Maualuga ina ua toe taofia mai se tamā o loo molia i le fasioti tagata faamoemoeina ona ua ia taumafai e fesootai mau a le itu a leoleo.
O le tama ia Aui’a Moefiti Fereti, e lima moliaga o loo tuuaia ai e aofia ai ma le fasiotitagata faamoemoeina, i se faalavelave na tula’i mai i Fogapoa Savaii iā Iuni o le 2022.
O se fe’eseeseaiga tau tuaoi, sa fa’aaoga ai e Aui’a se laau malosi e faaoo ai le oti i se tamā matua ma lona atalii 18 tausaga. Sa faamanualia ai foi le toalua o le tama 18 tausaga i lea faalavelave ae lei maliu o ia.
Sa tatala i tua Aui’a (on bail) ia Oketopa o le 2022, e tālia ai le Aso 4 o Mati 2024, lea ua faatulagaina e le Faamasinoga e suesueina ai le mataupu.
Peitai, i le vaiaso nei sa faailoa mai ai e le itu a leoleo, ua soli e Aui’a Moefiti Fereti aiaiga e pei ona tatala ai tua (bail conditions) ina ua ia taumafai lea e fesootai mau a leoleo.
E le’i iai se loia na tula’i mo Aui’a ina ua toe oo mai i luma o le Faamasinoga i le vaiaso nei, ae sa agavaa o ia i le polokalame a le legal aid lea e totogi ai e le Malo se loia e tula’i mo ia. O le alii loia iā Su’a Alex Su’a lea na tuuina atu mo lē ua molia.
Sa faailoa e Fepuleai Roma, “o loia e totogi e le Malo, e leai se filifiliga saoloto o ia te oe e te nofo ai lava oe ma sui sau loia.”
Ae tali Aui’a, na te le malamalama pe aisea ua savali ese mai ai lana loia iā Hana Lauta i le la mafutaga.
O le Aso 23 o Oketopa o le a toe tulai ai i luma o le Faamasinoga Maualuga le ua molia, ma e tatau ona oo atu i lena aso ua maua se isi loia e tulai mo ia.
Public Notice
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
