Faa-Samoa

Talosaga le HRPP e Faagaioi loa le Tulafono o le 10 Pasene mo Sui Tamaitai

December 2, 2025

666

O le aoauli nei (12:30pm) e valaau ai se mataupu i luma o le Faamasinoga Maualuga e talosagaina ai e le vaega faaupufai o le HRPP, ina ia faagaioiina loa (activate) le tulafono i lalo o le Faavae a Samoa; e lē tatau ona i lalo ifo o le 10% tamaita’i i totonu o le Palemene o Samoa.

O le talosaga a le HRPP o loo faamoemoe e tuu atu e a latou Loia i le Faamasinoga Maualuga i le asō, ina ia faagaioi loa le tulafono faavae ma tofia loa sui tamaitai e faaatoa ai le toaono (6).

O le Vaega 44 o le Faavae o Samoa lea sa vevesi ai le atunuu i le palota tele o le 2021, ua maea ona iloiloina lona faaaogaina e le Faamasinoga ma ua oo fo’i i le Faamasinoga pito maualuga i Samoa – Court of Appeal.

Lea ua taatia ai le faaiuga o le Faamasinoga Toe Iloilo, e faamanino ma talatala auiliili le faauigaina ma le faaaogaina (interpretation) o lea tulafono poo le Vaega 44 o le Faavae o Samoa.

E 6 Sui Tamaitai ae Faatoa Faagaioi le Vaega 44 PE A MAUA UMA FAAIUGA O LE PALOTA TELE MA PALOTA LAITI

1. Mo le Palemene e 51 Sui Faipule, e ao lava ona ausia le 10% o tamaitai. E le lava lā le 5 ona o le 5/51 = 9.8 o lona uiga lā, e tatau ona 6 tamaitai ona faatoa atoa ai lea o le 10% o loo faatapulaaina mai e le Tulafono Faavae o Samoa.

“The suggestion that 10% of 51 can be satisfied with an outcome that produces 9.8% is patently ambiguous and a clash of ideas”.

2. O le taimi e faaaogaina ai (activate ai) lenei tulafono, pe afai ua mae’a le faaiuga o le faigapalota, e aofia ai ma ni palota laiti (by elections) o le a ono faia pe afai e pau’u nisi o Sui Faipule i faaiuga o mataupu taufaamasinoga (post election petitions).

“We hold that a plain interpretation of Article 44(1A) provides that the appointment can only be triggered after the final results are known, and this point is reached when the results of the electoral petitions and by-elections, if any, are known.

Ua folafola manino mai e le Faamasinoga Toe Iloilo (Court of Appeal|) – e fa’atoa fesili po’o ai ni Sui Tauva Tamaitai e ono tulai mai i lalo o le Vaega 44 – pe a mae’a le faigapalota tele, faapea foi ma ni palota laiti e ono tulai mai – e pei ona iai nei Safata 1 lea o le a toe sauni atu i le faigapalota laititi.

**Samoa’s leading provider of ICT Solutions.**

Toalima Sui Tauva Tamaitai sa Malo i le Faigapalota

O Safata 1 sa uumia e le Sui Tauva Tamaitai ia Seve Anapu Fuimaono Te’i le nofoa ina ua manumalo i le faigapalota tele ia Leaana Ronnie Posala.

E toalima tamaitai sa manuia mai i le faigapalota tele. O le afioga i le saofaapito ia Fiame Naomi Mataafa lea sa fai ma Palemia tamaitai muamua o Samoa. O le afioga ia Mulipola Anarosa Ale Molioo lea sa fai ma Minisita o Tupe tamaitai muamua o Samoa. O le afioga ia Afamasaga Leone Masami lea ua tofia ma Sui Fofoga Fetalai o le Maota, ma le afioga i le tamaitai Loia ia Aeau Tima Leavaiseeta, o le Sui Faipule mai Falealupo.

O le aveesea ai o le tofi mai ia Seve, lea o le a toe fai ai le palota laititi mo Safata 1. O le auga la o le faaiuga a le Faamasinoga Toe Iloilo, e ao ona tālia faaiuga o nisi palota laiti, ona e ono tulai mai ai se sui tamaitai.

A maea palota laiti uma ae le toe tulai mai se sui tamaitai, ona faaaoga loa lea o le Vaega 44 e aumai ai ni sui tamaitai se toalua (faaatoa le 6). Ae afai ae toe tulai mai ni sui tamaitai e atoa ai le 5, ua aumai loa na o le toatasi.