Na tali atu le Alii Palemia o Samoa Susuga Tuilaepa Sailele Malielegaoi i lafoga a le vaega faaupufai o le SNDP i le aso ananafi.
E faatatau i le manatu o le SNDP ua tatau ona faamalolo le ofisa sili o pulega o le matagaluega o le soifua maloloina.
E le gata i lea ae ua tatau foi i le afioga i le alii palemia ma le HRPP ona faamavae mai.
E autu le lagona o le SNDP ona o lea ua maliliu fanau ona o le faatamala ma le le faia o le tiute o le matagaluega o le soifua maloloina.
Sa faapea mai Tuilaepa e le faapea o le tupu lava o le faalevaleve ona sui ai fua lea o le malo.
“O le tupu mai lava o lea faalavelave oti le tagata faamavae le palemia…matua vaivai tele nei mafaufauga;
“O tou iloa foi le isi tala a le Tusi Paia, ‘Aua ete tali atu i le vale’ e te lua tau fai valea uma ai lava”
O loo faapea mai foi Vui Masina Seigafolava ma lana vaega, sa le tatau i le Palemia ona tuuaia matua i le lē faia o tui puipui o a latou fanau.
Sa tali mai le alii palemia, “O lona uiga la o le manatu o le oti a o lea i lea faalavelave fai le komisi tutuli ia tagata, e le faapena ona faia ni malo.”
Sa faaataata lafoga lava saunoaga a le alii palemia ma ia faapea mai ai, “Tagata fo’i ia e toalua lea sa ou alu tatala le la vaega?”
O le vaega faaupufai o le SNDP sa tatalaina i le aso 11 o Setema o le tausaga nei, ma o le Alii Palemia o le lauga na aami ilea aso e saunoa faapitoa i le tatalaina o le SNDP.
