Tali le Fofoga Fetalai i Tuuaiga a Tuilaepa Faasaga i le Nofoa

"E lagona ai le faanoanoa ona e tau solomua I le Taitai a le Itu Agai o se Sui Sinia foi o le Palemene lona le faaaloalo i le taualoa ma le tofiga o le Fofoga Fetalai poo le Nofoa o le Maota o le Palemene o Samoa."

0
4725

Ua tuuina mai se tali a le Afioga i le Fofoga Fetalai ia Papalii Lio Oloipola Taeu Masepau e faasa’o ai tuuaiga a le taitai a le Itu Agai na tuuina mai i sana Tusi i le Faatonu (Letter to the Editor) i le vaiaso ua tea atu nei.

Ua faaali se lagona faanoanoa o Papalii ona o le tau solomua i le Taitai a le Itu Agai lona le faaaloalo i le taualoa ma le tofiga o le Fofoga Fetalai poo le Nofoa o le Maota o le Palemene o Samoa.

Sa tuuaia e Tuilaepa i sana Tusi le tuuina mai o Pepa o Faamatalaga (press releases) mai le Fofoga o le Maota.

“..it is unbecoming of a Speaker to issue press releases or even openly reprimand the Social Media on their comments whilst Parliament is sitting.”

Sa tuuaia foi e le taitai o le Itu Agai le Fofoga Fetalai i le faatinoina o ona tiute ma lafo ni saunoaga e pei seai ai ua le tutoatasi le afioga ia Papalii Lio i le faatinoina o ona tiute.

The Speakers sole role is to chair the meeting of Parliament, FULL STOP. If the Speaker wants to participate in the debate, leave the chair and become an ordinary MP.”

“A Speaker must remember at all times the need for the Chair to remain unbiased.” 

I se tali mai a le Fofoga Fetalai ua ia tā’ua ai, o lafoga a Tuilaepa, ua faailoa mai ai lona le amanaia ma le lē faaaloalo i le tofiga o le Fofoga Fetalai.

Tali le afioga ia Papalii Lio, “E le afaina le tagata (tulou) o loo tauaveina le tofi, ae o le Nofoa, e tatau i soo se Sui Usufono a le Palemene ona tausolomua i le amanaia ma faaaloalogia le mamalu o lea Tofiga ua aloaia e le Faavae; o le Fofoga Fetalai.”

Ua faamanino mai fo’i e le Fofoga o le Maota le tāua tele o Pepa o Faamatalaga e faamalamalama ai mataupu mo le nofo silafia o le mamalu o le atunuu.

“E leai ni faiga aiaiga faaletulafono poo ni faiga faa-Palemene e noatia pe faasa ai le Fofoga Fetalai ona faatino se/ni Pepa o Faamatalaga, e faamanino ai i le atunuu mataupu e ao ona o latou silafia..”

Saunoa le Fofoga Fetalai, o loo eseese foi ala o fesootaiga o loo faaaogaina e le atunuu e silasila ai mo le latou silafia o mataupu tau i Upufai o le Atunuu.

O le Tusi i le Faatonu a Tuilaepa Fatialofa Aueluae Sailele Malielegaoi, ua tuuina mai ai ni tuuaiga le talafeagai e faasaga i le faatinoina o tiute tauave a le Fofoga Fetalai.

“Ou te malamalama lelei i le faatinoina o ou tiute faa Fofoga Fetalai ma o loo ou tausia pea le Tutoatasi ma le tulaga tauoloa o le tofi o le Fofoga Fetalai, ua valaauina ai au i lenei vaitau.”

“O le tiute o le Fofoga Fetalai, o le puipui o le mamalu ma la aloaia o le Palemene o le atunuu.”

I le vaitau a’o see mai le Malo i lalo o le Taitaiga a Tuilaepa, sa tuuina mai ai fo’i ni Pepa o Faamatalaga e le Fofoga Fetalai.

I le vaitau o vesiga ao tālia e Samoa se faaiuga o le faigapalota tele, lea na tuuina mai ai e le Fofoga Fetalai se faasalalauga (Public Notice) e taofia ai lē tauaofia o le Palemene o Samoa.

 

Faasalalauga Tāua mai le Samoa Business Hub