Source: Samoa Meteorological Services, 1:30pm Sat 25 February 2022. Ta’aviliga Vaivai o Savili i le Vasa Pasefika i Saute.
Ua fa’anumeraina nei e le Ofisa Va’aitau a Fiti le Ta’aviliga o Savili TD08F (Tropical Disturbance) o lo’o i Sisifo nei o Samoa.
O le va’aiga lata mai, e iai le avanoa e ono fa’atupula’ia ai lenei ta’aviliga a’o AGA’I ESE atu ma Samoa.
O lona auala fuafuaina e pei ona fa’ailoa mai e masini va’aitau, e fa’asolo ina ufitia ai ogasami i Matu o Fiti ma aga atu ai i Vanuatu i le isi lua aso lumanai.
Ua faamautuina mai e le Ofisa o Vaaitau a Samoa, “E leai se a’afiaga o Samoa i lenei Ta’aviliga Vaivai o Savili.
O le a maitauina pea uāga i nisi o nofoaga ma savili e fa’ata’uta’u i nisi o taimi, aemaise le galuā o ogasami ma gataifale. Ma o lo’o fa’amalosia pea nisi o Lapata’iga ma Fautuaga. Ae peita’i ua se’e malie ese uiga loulouā mai lo tatou atunu’u 🔆
