“Soo se faatinoga lava online, ua mafai lava ona faia iai auala faasolitulafono”

"Ua tatou vaai iai e mafai ona hack, ua tutupu mea faapena i palota a atunuu i fafo e pei o Amerika.. lona uiga, e mafai foi ona tupu ia tatou.."

0
323

Ua faailoa popolega a le Sui Faipule o Gagaifomauga 1, le afioga iā Faimalotoa Kika Stowers Ah Kau, e faatatau i teuteuga o le Tulafono o Faigapalota lea o le a toe lesitalaina ai le atunuu atoa i lalo o se Faavaa Fou (new system) ma faatagaina ai ona lesitala ai soo se tasi i luga o upega tafa’ilagi (online portal).

7 Days of Positivity and Lower Prices at all SSAB Stores.

Saunoa Faimalotoa, o le lesitalaina o tatou tagata e moomia faamaumauga sa’o ae a tatou maitau i le soifuaga i atunuu i fafo, e le tumau se nofoaga e faamautu ai se isi.

“O le isi masina poo tausaga ua sifi, ua sui le fale poo le nofoaga e faamautu ai ae faafefea la tuatusi lea ua lesitalaina ai?”

“O le isi ou popolega, faafefea le tagata na matai ananafi ae tatala lesitala taeao, ae lesitala ai loa lona suafa matai lea faatoa uma ona fai?”

Saunoa le Sui Faipule, o le isi itu e ao ona mātaitū lelei, soo se faatinoga lava online, ua mafai lava ona faia iai auala faasolitulafono.

SOS – back in store at Togafuafua and Salelologa branches.

“Ua tatou vaai iai e mafai ona hack, ua tutupu mea faapena i palota a atunuu i fafo e pei o Amerika.. lona uiga, e mafai foi ona tupu ia tatou..”

Saunoa Faimalotoa e le taugofie lona faatupeina. E fai foi o le taugata o le system, ae o le taugata foi mo le tatou atunuu o loo alala ma papāaao i atunuu mamao ona feafioa’i.

O lona uiga o le system fou, e moomia tele le faamaoni o le aufaigaluega.

“Ou te le tau faiatu, e asa le faiva ae le asa le masalo, na’o na ou faapena atu…”

O le vaiaso na te’a nei sa tauaofia ai le Palemene ma talanoaina ai le teuteuga o le Tulafono o Faigapalota lea o le a mafai ai ona lesitala online soo se sitiseni Samoa, e aofia ai ma ē o loo alala i atunuu i fafo.

Peitai e pei ona faamalamalama atili e le Minisita o Faigapalota, e fa’aāoga ‘upega tafa’ilagi a le OEC mo le lesitala, ae fa’atoā atoatoa, ma mafai ona tu’u lou suafa le lola palota, pe a e afio mai i Samoa, e fa’amae’a ai lau lesitala, e ala i le lolomiina (scan) o ou tama’ilima e 10 ma pu’e ai lou ata auā fa’amaumauga a le Ofisa (biometrics).

I le tapunia ai o le lola palota a Samoa ia Ianuari 2021, e 128,848 le aofai o tagatuu Samoa sa lesitalaina mai Itumalo Palota e 51.

Ua fa’ailoa mai e le Komesina o le Ofisa o le Komisi o Faigā Palota iā Tuiafelolo Alexander John Stanley, o lo’o lava le 18 masina e tapena ai galuega a le Ofisa.

Samoa is the Home of Taula.

O le a vaevaeina e ta’iiva le aufaigaluega i vaega e fā ma le fa’amoemoe e tatau ona mae’a le Vaega #1 iā Mati 2025 a’o Iuni 2025 e mautū ai lola muamua mo Itumālō ta’itasi.

Ona toe fa’agasolo lea o le Vaega #2 e galulue fa’atasi ai ma Sui o Nu’u, Sui Tama’ita’i o Nu’u ma Sui o le Mālō, e siaki uma lola palota, sa’ili fa’amaoniga o tagata lesitala ta’itasi, ma fa’amautū pe fa’amaoni ma moni o tagata sa’o ia o Itumālō, ma amata fa’amamā ai lola palota uma.


Faasilasilaga Tāua mai le UTOS

Tau o le Iunite mo le masina o Mati 2024

Unit price for March 2024

In accordance with the Trust Deed and Prospectus, UTOS announces the trading prices for the month of March 2024.

The current selling price of $1.81 has been marked as the highest selling price for UTOS since its operation.