Silia ma le $200k le tau aofai o masini ma meafaigaluega na foa’i e le Malo o Ausetalia mo le Ofisa o Faigapalota

"O le Mslo o Ausetalia o loo tula'i malosi mai foi e faatupeina le toe resitalaina o le mamalu o le atunuu"

0
133

O le vaiaso nei na tauaao ai e le Malo o Ausetalia se foai tele mo le Ofisa o Faigapalota.

Over $200k tala worth of equipment, laptops, cameras and fingerprint scanners.

E 30 masini laptop, 20 masini pue ata poo cameras, ma le 60 masini e oomi ai tamatama’ilima (fingerprint scanners).

O le afioga ia Tuiafelolo Alexander Stanley o le Komesina foi lea e Faigapalota, na ia taliaina le foai.

Saunoa Tuiafelolo, “E le faaititia le agaga o le faafetai i le Malo o Ausetalia ona o lenei foa’i taua, o mea faigaluega e fesoasoani ai i le aufaigaluega mo le faatinoina o latou galuega..”

“E moomia tele nei masini, e sui ai masini o loo faaaogaina, mo le vave ma le manino o galuega o loo faasolo nei i tua..

Saunoa le Komesina o Faigapalota, o loo iai foi se isi fesoasoani o loo tuuina mai ai le aao mafola a le Malo o Ausetalia, o le faatupeina lea o le agai ai i tua o le aufaigaluega mo le faatinoina o le resitala a le atunuu.

“O le totogi o taavale o loo faaaogaina, o totogi o faletalimalo o loo aumau ai ao agai atu i tua, faapea ma taumafataga o loo faatupe uma e le Malo o Ausetalia.”

Sa faailoa e Tuiafelolo, ua ma’ea itumalo e 17 mo le toe resitalaina.

“O itumalo o Lefaga ma Faleseela, Samatau ma Falelatai, faapea ma Aiga i le Tai, lea ua oo atu iai le galuega a le ofisa.”

O faafitauli o loo faafaigata ai le galuega i le taimi nei, o le leai lea o ni pepa fanau a le toatele o le atunuu, faapea le eseese o faamaumauga poo aso fanau i luga o pepa fanau o loo resitala ai.

Faasalalauga Taua mai le Samoa Business Hub