E silia ma le 15,000 le aofai o le mamalu o le atunuu e le’i oo atu e resitala ina ua tapunia le taimi faatapulaaina sa tatalaina ai le Lola Palota a Samoa.
I faamaumauga a le Ofisa o Faigapalota, mai le 117,225 o le atunuu ua agavaa ma sa tatau ona resitala mo le palota, e 12.8% e le’i resitalaina, e tusa lea ma le 15,004.
O lona uiga e tusa ma le 102,220 le aofa’i o i latou o le a mafai ona auai i le filifiliga a Samoa i le Aso 27 ma le Aso 29 o Aukuso 2025.
Ua faamauina foi e 10,000 le aofai o le mamalu o le atunuu sa faaaogaina le online e faatino ai a latou resitala.
Ua faailoa e le Komesina o Faigapalota le afioga ia Tuiafelolo Toleafoa John Stanley, o se fuainumera telē le 15,000.
“O se faanoanoaga tele, ona o le lē faatauāina e nisi o le atunuu o avanoa sa malaga atu ai le aufaigaluega i tua i itumalo taitasi, auā le faafaigofieina o le resitala mo le mamalu o le atunuu..”
Sa maitauina i Tuanaimato i le aso mulimuli o le resitala, le tumutumu o le atunuu e faatino le resitala, ae maise o le po o le Aso Tofi lea sa tapunia ai i le te’a o le 1 i le vaveao galuega a le Ofisa o Faigapalota.
O nisi o itumalo tū taulaga lea o loo faamauina e le Ofisa o loo pa’ū maualalo le numera o tagata ua resitala.
O itumalo na tā’ua le paū o le numera, e aofia ai Vaimauga 1, 2, 3, 4, ma itumalo o Sagaga 1, 3 ma le 4, faapea ma itumalo o Faleata 1, 2 ma le 3, ma Aana Alofi numera 4.
O suafa ua mae’a resitalaina, ua faamauina i totonu o Lola Palota mo itumalo taitasi e tapena ai mo le faigapalota.
Ua taoto lava tulafono ma faasalaga mo le faigapalota, lea e $2,000 tala le sala tupe mo i latou e le’i resitala – ae $100 tala mo le tagata e le palota.
O le amataga o lenei vaiaso ua tatala ai le piliota mo le resitalaina o sui tauva mo le faigapalota ae faama’ea i le Aso Toanai 12 o Iulai.
O le Aso Gafua ma le Aso Lua o le vaiaso nei ua maitauina ai le toatele o Sui Tauva mai vaega faaupufai uma e 7 – ua agai atu e faataunuuina o latou resitala i le Maota o le TATTE i Apia.
Lisi o Vaega Faaupufai ua Resitalaina
- Human Rights Protection Party: HRPP led by former Prime Minister Tuilaepa Sailele Malielegaoi.
- Faatuatua i Le Atua Samoa ua Tasi: FAST led by former Minister of Agriculture Laaulialemalietoa Leuatea Polataivao Schmidt.
- Samoa Ua Potopoto – Samoa Uniting Party: SUP led by caretaker Prime Minister Fiame Naomi Mataafa.
- Samoa Labour Party: SLP led by former HRPP Minister of Justice and Courts Administration, Faaolasa Katopau Ainuu.
- Tumua ma Pule Republican Reform Party: TPRRP led by Molioo Pio Molioo who is the husband of former FAST Minister of Finance Mulipola Anarosa Ale-Molioo.
- Constitutional Democratic Republic Party: CDRP registered during the 2023 byelections and ran one candidate from Fagaloa district.
- Samoa National Development Party: SNDP which used to be led by Valasi Toogamaga Tafito who joined FAST post 2021 elections and is currently the caretaker Minister of Health and pledged to SUP.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
