Silia ma le $16,000 le Tau o Meatotino sa Gaoia mai le Maota o le Komesina o Tineimu

0
3260

Published Tues 5 December. Updated Wed 6 December. $16,852.95 le tau atoa o mea totino na to’esea mai le maota o le Komesina o Tineimu, le afioga iā Tanuvasa Petone Mauga.

E toatolu ni alii sa tula’i i luma o le Faamasinoga Maualuga e tali atu i tuuaiaga o le gaoi ma le talepefale. E le’i iai ni loia na tula’i mo i latou umaàà o loo molia nei

O Amosa Leapai mai le afioaga o Malie, Kanela Junior Tomasi mai le afioaga o Malie ma Faletolu Tanielu Letufuga mai Afega na tulai i luma o le Faamasinoga Maualuga ma latou ioeina ai moliaga a le itu a leoleo e aofia ai le;
* ulufale faamalosi totonu o le fanua e aunoa ma se faatagana.
* gaoi poo le aveesea o mea totino.

O mea totino na toesea e aofia ai se laptop ituaiga o le Dell e $2,700 ma ni telefoni feaveai o le Galaxy Samsung 21 e $2000 ma le Samsung 35 e $1,800 pe a faatupe.

Sa iai foi ma se Note 20 e $6,000 tala faapea ma se speaker JBL.

Na toesea foi ni ietoga ma ni pusa pisupo faapea ma nisi o lavalava.

Sa iai foi ma se tinoitupe e $400 Ausetalia ma se $90 tala Fiti faapea ma se tupe Samoa.

O le tau atoa o mea na aveesea, e $16,852.95

Ua faa’auau pea ona taofia i latou nei e toatolu, seia aulia le Aso 10 o Fepuari 2024 lea ua faatulaga e le Afioga ia Fepuleai Ameperosa Roma, e toe tulai ai i lĝuma o le Faamasinoga.

FAASAOGA

O Amosa Leavai sa mua’i lipotia, ona o le suafa lea o loo tusia i le lisi o le Faamasinoga Maualuga. Ae peitai, o le suafa sa’o o lē ua molia e pei ona faasa’oina mai e se tasi o le aiga faapea ma leoleo, o LEAPAI. Our sincere apologies to the Leavai family.